ဈေးကွက်မျှော်လင့်ချက်နဲ့ နွေပဲတီစိုက်ပျိုးမှုသွက် မနှစ်ကနွေရာသီ မုံရွာပဲတီစိမ်းဈေးကွက်မှာ တစ်တင်း ၄၅ဝဝဝ ကျပ်မှ ၅ဝဝဝဝ ကျပ်အထိ ဈေးကောင်းရခဲ့ကြလို့ ဒီနှစ်ပဲတီတောင်သူတွေ ရေသွင်းပဲတီ စိုက်ပျိုးမှု သိသိသာသာ တိုးတက်လာတယ်လို့ သိရပါတယ်။ မုံရွာနယ်မှာ အထွက်နှုန်း ကောင်းတဲ့ ရေဆင်း ၁၁၊ ၁၂ ပဲတီမျိုးကို အဓိကရွေးချယ်စိုက်ပျိုးခဲ့ကြတဲ့အတွက် ပဲတီမျိုးစေ့ ပေါက်ဈေးမြင့်တက်လာခဲ့ရာ တစ်ပြည်ကို ၂၅ဝဝ ကျပ်မှ ၃ဝဝဝ ကျပ်အထိ ရှိခဲ့တယ်လို့ တောင်သူတွေက ပြောပါတယ်။ အထွက်နှုန်းအားဖြင့်် မြေ၊ ရေနဲ့ သွင်းအားစု ညီညွတ်မျှတရင် နွေပဲတီ တစ်ဧက ၂၅ တင်းခန့်ထွက်နိုင်လို့ အကျိုး အမြတ်ကောင်းမွန်တဲ့အတွက် အခုလို စိုက်ပျိုးသူများလာခြင်းဖြစ်တယ်လို့ တောပုကျေးရွာမှ တောင်သူအချို့က ပြောပါတယ်။ မုံရွာကုန်စည်ဒိုင်ဈေးကွက်မှာတော့ မန္တလေး၊ ရန်ကုန်ဝယ်လက်ပုံမှန်ရှိနေပြီး၊ ယခုသီတင်းပတ်ထဲမှာ စိမ်းသေးတစ်တင်း ကျပ်၂၃ဝဝဝ မှာ ငြိမ်နေတယ်လို့ သိရပါတယ်။ ထွန်းလှိုင်
Background