တရုတ်နိုင်ငံ၏ ၂ဝ၁ဝ ပြည့်နှစ် ရွှေထုတ်လုပ်မှု အခြေအနေ ၂ဝဝ၇ ခုနှစ်မှစတင်၍ ကမ္ဘာပေါ် ၌ ရွှေအများဆုံး ထုတ်လုပ်ခဲ့သော တရုတ်နိုင်ငံသည် ၂ဝ၁ဝ ပြည့်နှစ်တွင် ၂ဝဝ၉ ခုနှစ်ထက် ၈ ဒသမ ၅၇ ရာခိုင်နှုန်း မြင့်တက်ခဲ့ပြီး စုစုပေါင်း တန်ချိန် ၃၄ဝဒသမ ၈၈တန်ရှိကြောင်း တရုတ် ရွှေထုတ်လုပ်သူများအသင်းမှ ထုတ်ပြန်ခဲ့သည်။ ရွှေပိုမို ထုတ်လုပ် နိုင်မှုကြောင့် တရုတ်နိုင်ငံ၏ ငွေကြေး ဖောင်းပွမှုနှင့် ဘဏ္ဍာရေးမတည်ငြိမ်မှု တို့မှ ကာကွယ်ပေးနိုင်မည်ဖြစ်ကြောင်း၊ ၂ဝဝ၂ ခုနှစ်၌ ပြည်တွင်းရွှေထုတ်လုပ် သော လုပ်ငန်း ၁၂ဝဝ ရှိရာမှ ၂ဝ၁ဝ ပြည့်နှစ်တွင် လုပ်ငန်း ၇ဝဝ သာ ကျန်ရှိတော့ကြောင်း၊ ထိပ်တန်း ရွှေထုတ် လုပ်သောလုပ်ငန်း ၁ဝ ခုမှ ထုတ်လုပ်မှုသည် စုစုပေါင်း၏ ၄၉ ဒသမ ၁၉ ရာခိုင်နှုန်းရှိကြောင်း၊ တရုတ်ပြည်၌ ရှန်ဒုံ၊ ဟေနန်၊ ဂျန်စီ၊ ယူနန်နှင့် ဖူကျန့် ဒေသများတွင် ရွှေထုတ်လုပ်မှု အများဆုံးဖြစ်ပြီး၊ စုစုပေါင်းထုတ်လုပ်မှု၏ ၅၉ ဒသမ ၈၂ ရာခိုင်နှုန်းရှိကြောင်း၊ ၂ဝ၁ဝ ပြည့်နှစ်ပျမ်းမျှ ကမ္ဘာ့ရွှေဈေးနှုန်းသည် နှစ်အလိုက် ၂၅ ဒသမ ၆ ရာခိုင်နှုန်း မြင့်တက်ခဲ့ပြီး တစ်အောင်စလျှင် အမေ ရိကန်ဒေါ်လာ ၁၂၂၄ ဒသမ ၅၃ ရှိ ကြောင်း သိရသည်။ ဇာစ်မြစ်-ပြည်ထောင်စုသမ္မတမြန်မာနိုင်ငံတော် ကောင်စစ်ဝန်ချုပ်ရုံး၊ ဟောင်ကောင်မြို့။
Background