နယ်စပ်မှ သစ်သီးဝလံကုန်သွယ်မှု မတ်လ ၂၃ ရက်မှ ၂၉ ရက်ထိကာလအတွင်း ရိဒ်နယ်စပ်မှ ၁၃၅၄ ဒေါ်လာတန်ဖိုးရှိ ချင်းတောင် ပန်းသီး ၅ တန်ခန့် တင်ပို့နိုင်ခဲ့ပြီး မူဆယ်နယ်စပ်မှ ကန်ဒေါ်လာ ၂၈၅ဝဝ ကျော်တန်ဖိုးရှိ တရုတ်ပန်းသီး တန် ၄ဝဝ ကျော်တင်သွင်းမှုရှိခဲ့ပါတယ်။ မူဆယ်နယ်စပ်မှ ပန်းသီးအပြင် ယခုအပတ်မှာ ကန်ဒေါ်လာ ၅၈၂၇ဝ ကျော်တန်ဖိုးရှိ ပျားလိမ္မော် ၂၁၅ တန်ကျော် တင်သွင်းမှုရှိခဲ့ပါတယ်။ မိမိဘက်ကနေ ယခုအပတ်မှာ ဖရဲသီး တင်ပို့နိုင်မှုတွေကတော့ မောင်တောက ၂၇ တန်ခန့်နဲ့ မူဆယ်မှ ၉၄၂၈ တန်တင်ပို့နိုင်ခဲ့ပြီး သခွားမွှေး ၆၁၅၄ တန်တင်ပို့နိုင်ခဲ့တယ်လို့ သိရပါတယ်။ ယခင်အပတ်ကထက် ဖရဲသီး ၁၃၈၂ တန်နဲ့သခွားမွှေး တန် ၁၆ဝဝ ကျော်ပိုမိုတင်ပို့နိုင်ခဲ့ပါတယ်။ သခွားမွှေး ယခုအပတ်အတွင်း ဟိုင်းလက်ကား၊ (၆)ဘီး ကားတွေနဲ့ အစီးရေ ၁ဝဝ ထိ ဝင်တဲ့နေ့ရှိသလို အနည်းဆုံးဝင်တဲ့နေ့မှာ အစီး (၆ဝ)လောက် ရှိနေပါတယ်။ ရွှေသခွားမွှေး တစ်ကီလိုကို ၆ ယွမ်မှ ၇ ယွမ်၊ ဖရဲသခွား ၆ ယွမ်နဲ့ ပိုက်ကွက်သခွားမွှေး ၅ယွမ်နှုန်း ဈေးပေါက်နေပါတယ်။ MIRT (DOBT)
Background