ယခုအပတ်မူဆယ်မှ ပရဆေး တင်ပို့မှု အနည်းငယ်ပိုမို မူဆယ် ၁ဝ၅ မိုင် ကုန်သွယ်ရေးဇုန်မှတဆင့် တစ်ဘက်နိုင်ငံသို့ တင်ပို့နေသော ပို့ကုန်များမှာ ပရဆေး ကုန်ကြမ်းများလည်းပါဝင်ပါတယ်။ ယခုအပတ်မှာ ကန်ဒေါ်လာ ၁ ဒသမ ၄၂၁ သန်း တန်ဖိုးရှိ ပရဆေးကုန်ကြမ်း ၈၅၈ တန်ကျော် တင်ပို့နိုင်ခဲ့ပါတယ်။ ပြီးခဲ့တဲ့ မတ်လ ၂၃ ရက်မှ ၂၉ ရက်ထိ ကာလအတွင်းမှာ ကန်ဒေါ်လာ ၁ ဒသမ ၂၈၈ သန်းကျော် တန်ဖိုးရှိ ပရဆေးကုန်ကြမ်း ၇၉၇ တန်ကျော်တင်ပို့ခဲ့တာမို့ ယခုအပတ်မှာ တန် ၆ဝ ကျော် တင်ပို့မှုပိုမိုခဲ့ပါတယ်။ ယခုအပတ် တင်ပို့ခဲ့တဲ့ ပရဆေးကုန်ကြမ်းတွေကတော့ မိကျောင်းကွမ်းဖတ်စေ့၊ နေလဲစေ့၊ ချဉ်ပေါင်ဖာလာ (အခွံပါ)၊ ဂျင်းခြောက်၊ တောဂျင်း၊ နနွင်းတက်၊ ဒရင်ကောက်မြစ်၊ ကွမ်းစားဂမုန်း၊ ရှားစေး၊ ကြောင်ပန်းစေ့၊ ကြောင်လျှာစေ့၊ ဖန်ခါးသီးခြောက်၊ မျောက်ဥခြောက်၊ မာလာဥများ တင်ပို့ခဲ့တာဖြစ်ပါတယ်။ ယခင်အပတ်ကထက် ဂျင်းခြောက်၊ နနွင်းတက်၊ ဒရင်ကောက်မြစ်၊ ကွမ်းစားဂမုန်း၊ ကြောင်လျာစေ့၊ ဖန်ခါးသီးခြောက်များ ပိုမိုတင်ပို့နိုင်ခဲ့တယ်လို့သိရပါတယ်။ MIRT (DOBT)
Background