မေလအတွင်း အရောင်းအဝယ်ပိုလိုက်လာရန် အိမ်ခြံမြေလုပ်ကိုင် သူတို့မျှော်လင့် ယခုလအတွင်းတွင် အိမ်ခြံမြေနှင့်ပတ်သက်၍ ဈေးနှုန်းသာမက အရောင်း အဝယ်ပိုင်းတွင်ပါ ပြန်လိုက်လာရန် မျှော်လင့်နေကြပြီး ဧပြီလထဲတွင် မှန်းထားသကဲ့ သို့ ဖြစ်မလာခဲ့သောကြောင့် ရဲရဲမမျှော်လင့်ရဲကြောင်း ပွဲစားတစ်ဦးက ဆိုသည်။ ''အရောင်းအဝယ်ဖြစ်တာတွေထဲမှာကတော့ လုံးချင်းတွေ အရောင်းအဝယ် ပိုဖြစ်တယ်။ ဈေးကလည်း အခြားလုပ်ငန်းတွေနဲ့ နှိုင်းယှဉ်ကြည့်မယ်ဆိုရင် အိမ်ခြံမြေကကျဖို့တော့မရှိဘူး။ ထပ်တက်လာဖို့ပဲရှိတယ်။ ဒါ့အပြင် ဧပြီလ ပထမအပတ် ကနေ စတင်ပြီး အရောင်းအဝယ်ထက် အငှားတွေများလာတယ်။ အငှားဈေးကွက် မှာတောင် ဈေးနှုန်းအသင့်အတင့်ရှိတဲ့ ကွန်ဒိုတွေ၊ တိုက်ခန်းတွေ ပိုအလုပ်ဖြစ်နေတယ်။ အရောင်းအဝယ်ကတော့ သိပ်မရှိပါဘူး။ အခုနည်းနည်းပါးပါး ဖြစ်တာ တွေဆိုလို့ တန်ဖိုးနည်းအိမ်ရာတွေနဲ့ ရပ်ကွက်တွေထဲမှာလောက်ပဲ အရောင်းအဝယ် ဖြစ်တယ်။ ဒီလထဲမှာတော့ အရောင်းအဝယ်ပိုင်း ပိုကောင်းလာမယ်လို့ မှန်းနေကြ တယ်''ဟု ပန်းဘဲတန်းမြို့နယ်မှ အကိုျးဆောင်ကိုသောင်းလှိုင်က ပြောပြသည်။ အငှားဈေးကွက်တွင်လည်း ကွန်ဒိုတိုက်ခန်း ငှားရမ်းနေထိုင်သူများသည် အခန်း၏ဖွဲ့စည်းပုံနှင့် ဝန်ဆောင်မှုများကို လေ့လာပြီးမှ ငှားရမ်းလာကြပြီး အချို့ကွန်ဒိုများမှာ ဝန်ဆောင်မှု ညံ့သေးကြောင်း၊ ကွန်ဒိုတစ်ခုမှတစ်ခုသို့ ပြောင်းပါက အတော်သတိထားလာကြကြောင်းလည်း သိရသည်။ မင်းချို
Background