တိုင်းရင်းအလှမွေးငါးများ ပြည်ပက ဝယ်ယူမှုရှိနေ တိုင်းရင်းအလှမွေးငါးများကိုစင်ကာပူ၊မလေးရှားနှင့်ထိုင်းစသည့်ပြည်ပ နိုင်ငံများက ဝယ်ယူမှုရှိနေကြောင်းသိရ သည်။ ''အလှမွေးငါးတွေထဲကတိုင်းရင်း ဇာတိငါးတွေရယ်၊မြန်မာပြည်ရောက်နေပြီး မြန်မာပြည်မှာ ပြန်ဖောက်တဲ့ငါး မျိုးတွေကိုပြည်ပကဝယ်ယူမှုရှိနေတယ်။ ပို့တဲ့အခါ ဖော့ပုံးတွေနဲ့ လေကြောင်း လိုင်းကနေတင်ရတာ။ဖော့ပုံးတစ်ပုံးဆို ရင် ငါးအရွယ်အစားပေါ်မူတည်ပြီး ထည့်ရတာ။ ငါးအရွယ်ကြီးရင် အကောင် ၅ဝ လောက် ဆံ့တယ်။ငါးအရွယ်သေးရင် အကောင်ရေ ၇ဝဝနဲ့ ၈ဝဝလောက်ထည့်လို့ရတယ်။တိုင်းရင်း ငါးတွေထဲက ငါးသဖွဲ၊ ငါးစော်ဘွား၊ ငါးသူငယ်၊ ငါးသလဲထိုး ၊ငါးပြားစင်းနဲ့ ငါးခုံးမတို့အဝယ်ရှိနေတယ်။ ငါးသဖွဲ ဆိုရင် ပြည်တွင်းမှာ အခြောက်လှန်းပြီး နို့ဆီဘူးနဲ့ ရောင်းရင်တစ်ဘူးကို ၂၅ကျပ် လောက်ပဲရတဲ့ငါးပါ။ ပြည်ပပို့ဖို့ လက် ခွဲ အလှမွေးငါးမွေးမြူရေးသမားတွေ ဆီက ဝယ်ရင် တစ်ကောင်ကို ၃ဝကျပ် ကနေ ၅ဝကျပ်အထိပေးဝယ်ရပါတယ်'' ဟု Hein Aquarium က ဦးတင်ဝင်း က ပြောပြသည်။ အဆိုပါအလှမွေးငါးမျိုးများအနက် ငါးသလဲထိုးကိုတနင်္သာရီတိုင်းဒေသကြီး သံဖြူဇရပ်၊ဘုရားသုံးဆူဘက်ကလည်း ကောင်း၊ ငါးခုံးမကို ပြင်ဦးလွင်တွင် လည်းကောင်း၊ငါးပြားစင်းကိုဧရာဝတီ တိုင်းဒေသကြီးတွင်လည်းကောင်း၊ငါးသဖွဲ၊ ငါးစော်ဘွားနှင့်ငါးသူငယ်တို့ကို ရှမ်းပြည်နယ်(တောင်ပိုင်း) ဟိုပုန်းနှင့် အင်း လေးဒေသတို့်မှ ဖမ်းယူရရှိကြောင်းသိရသည်။ KMT
Background