မန်းမြို့တွင်းအရောင်းအဝယ်ဖြစ်နေတဲ့ ဆောက်လုပ်ရေး ပစ္စည်းများ မိုးရာသီအစပျိုးပေမဲ့ ဆောက်လုပ်ရေးလုပ်ငန်းများ အရှိန်ကောင်းနေဆဲ ဖြစ်လို့ အုတ်၊ ထုံး၊ ကျောက်၊ သဲလုပ်ငန်း ရှင်များ အရောင်းအဝယ် ကောင်းနေကြောင်း သိရပါတယ်။ ဧရာဝတီ မြစ်သဲတစ်ကျင်း ကျပ် ၃ဝဝဝ နဲ့ ကား တစ်စီး ၄ ကျင်းပါ ကျပ် ၁၂ဝဝဝ နှုန်းဖြင့် မြို့တွင်းအရောက်ပို့ပေးကြောင်း သိရပါတယ်။ ကျောက်ကြီး ၆-၉ လက်မ တစ်ကျင်း ကျပ် ၇ဝဝဝ ၊ ၈ဝဝဝ ကျပ်နှုန်း၊ ၂-၄ လက်မ တစ်ကျင်း ၈ဝဝဝ ကျပ်၊ ၉ဝဝဝ နှုန်းနှင့်စက်ခွဲ ၁-၂ လက်မ တစ်ကျင်း ၂၂ဝဝဝ ကျပ်နှုန်း၊ ချစ်ပင်ရှူး တစ်ကျင်း ကျပ် ၂၅ဝဝဝ၊ ၂၇ဝဝဝ နှုန်းများဖြင့် လတ်တလော အရောင်းအဝယ်ဖြစ်နေပြီး ၎င်းဈေးနှုန်းများသည် မြို့တွင်းအရောက်ပို့ ဈေးနှုန်းများဖြစ် ကြောင်းလည်း သိရပါတယ်။ ထုံးအိတ် တစ်အိတ် မြို့တွင်းအရောက် အိတ်ကြီး ကျပ် ၂၃ဝဝ - ၂၅ဝဝ ၊ အိတ်သေး ကျပ် ၂ဝဝဝ - ၂၁ဝဝ နှုန်း၊ အုတ်ဈေးမှာ မိုးရာသီဖြစ် တဲ့အတွက် ပထမတန်းစားအုတ် ယခင် ၆၈ ကျပ်-၇ဝ ကျပ်မှ မိုးရွာပြီးနောက် ပိုင်း ကျပ် ၉ဝ - ၁ဝဝ အထိ ဈေးရှိ ကြောင်းနဲ့ ဘိလပ်မြေတစ်အိတ် စက်ရုံဈေး AAA တစ်အိတ် ၅ဝဝဝ ကျပ်၊ မြန်မာဆင်တစ်အိတ် ကျပ် ၄၈ဝဝ ဖြစ်ပြီး အရောက်ပို့ AAA တစ်အိတ်ကို ကျပ် ၅၄ဝဝ၊ မြန်မာဆင် တစ်အိတ် ကျပ် ၅၂ဝဝ နှုန်း အသီးသီးအရောင်း အဝယ်ဖြစ်နေကြောင်း လုပ်ငန်းရှင် တစ်ဦးထံမှ သိရပါတယ်။ ခင်မြင့်မြင့်သန်း
Background