ပင်လယ်ရေကြောင်းက ကုလားပဲဖြူလုံးကြီးတင်ပို့မှု သိသိသာသာပိုလာ ပင်လယ်ရေကြောင်းက ကုလားပဲဖြူလုံးကြီးတင်ပို့မှု တစ်ပတ်ထက် တစ်ပတ် ပိုလာတာ တွေ့ရပါတယ်။ ယခုတစ်ပတ် (ဧပြီလ ၂၈ ရက်မှ မေလ ၄ ရက်)အတွင်း မှာ တန်ချိန် ၄ဝဝဝ ကျော်ရှိခဲ့လို့ ယခင်သီတင်းပတ် တင်ပို့ခဲ့တဲ့ တန်ချိန် ၁၄ဝဝ ထက် သိသိသာသာပိုလာခဲ့ပါတယ်။ အဓိကတော့ အိန္ဒိယက အဝယ်တိုးတက်လာတာကြောင့် ဖြစ်ပါတယ်။ ၂ဝ၁၁ ဧပြီလတစ်လလုံး တင်ပို့မှုအနေနဲ့ တန်ချိန် ၅ဝဝဝ ခန့်ရှိပြီး မတ်လ မှာလည်း တန် ၄၅ဝဝ ကျော် တင်ပို့ခဲ့တာတွေ့ရပါတယ်။ ၂ဝ၁ဝ ဧပြီလအတွင်း မှာတော့ တန်ချိန် ၄ဝဝ ခန့်သာရှိလို့ ဒီနှစ်ကာလတူမှာ တင်ပို့မှု ပြန်တိုးတက် လာတာဖြစ်ပါတယ်။ ကုန်သည်တွေရဲ့ ပြောကြားချက်အရ ကုလားပဲတင်ပို့မှု လာမယ့်သီတင်းပတ်တွေမှာလည်း တိုးတက်နေအုံးမယ်လို့ ဆိုပါတယ်။ MIRT- MAPT
Background