မန္တလေးမြေဈေး အတက်သာရှိ၍ စီမံကိန်းအနီးရှိ မြေကွက်များမှာ ရောင်းသူနည်းပြီး ဝယ်သူများ မန္တလေးမြေဈေးကွက်တွင် မြေဈေးနှုန်းမှာ တစ်ရိပ်ရိပ် တက်ရိပ်ပြလာပြီး ထပ်မံတက်ဖွယ်ရှိ၍ စီမံကိန်းပြုလုပ်မည့်နေရာအနီးရှိ မြေကွက်များမှာ ရောင်းသူ နည်းပြီး ဝယ်ယူသူများလာခဲ့ပါတယ်။ လှိုင်းအိမ်ခြံမြေအကျိုးဆောင်လုပ်ငန်းမှ ကိုခင်ဇော်သိန်းက '' လောလောဆယ် အရောင်းအဝယ် ပြန်အေးနေတယ်။ မြေဈေးက အတက်ပဲရှိတဲ့အတွက် ရောင်းမယ့်သူကလည်း ဆက်တက်ဦးမယ်ဆိုပြီး မရောင်းဘဲစောင့်နေတာ။ ရောင်း လိုက်ရင်လည်း ခုချိန်မှာ မြေပြန်ရောင်းတဲ့သူနည်းတော့ စိတ်ကြိုက်ပြန်ဝယ်ဖို့ မလွယ်ဘူး။ စီမံကိန်းလုပ်နေတဲ့အနီးက ''ဝဝ''အကွက်ဆိုရင် ဝယ်ချင်တဲ့သူကများနေတာ။ ဈေးနှုန်းကလည်း ၁ဝ နှစ်တာကာလအတွင်းမှာ တော်တော်ကွာသွားတယ်။ လွန်ခဲ့ တဲ့ ၁ဝ နှစ်က ကျပ် ခြောက်သိန်းပဲရှိတဲ့အကွက်က ခုချိန်မှာ ကျပ်သိန်း ၅ဝဝ နဲ့ ၇ဝဝ ကြားမှာရှိတယ်'' လို့ ပြောပါတယ်။ ''ဝဝ'' မြေကွက်များမှာ မေလဆန်းပိုင်းက နေ့စဉ် အရောင်းအဝယ်ရှိခဲ့ရာမှ မေလကုန်ပိုင်းတွင် အရောင်းအဝယ်အေးလျက်ရှိပါတယ်။ ''ဝဝ'' ၁၊ ၂၊ ၃ ကြားကွက် ပေ ၄ဝ x ပေ ၆ဝ တစ်ကွက်ကို ကျပ်သိန်း ၅ဝဝ နှင့် ၇ဝဝ ကြားရှိ၍ ''ဝဝ'' -၃ (၆၆) လမ်းမေးတင် ကုန်တင်ယာဉ်ရပ်နားစခန်း စီမံကိန်းမျက်နှာပြု ပေ ၄ဝ x ၆ဝ တစ်ကွက်ကို ကျပ်သိန်း ၁၇ဝဝ -၁၈ဝဝ ရှိပါတယ်။ ''ဝဝ'' -၁ဝ ကြား ကွက်များမှာ ပေ ၃ဝx၄ဝ တစ်ကွက်ကို ကျပ်သိန်း ၄ဝဝ ဝန်းကျင်ရှိ၍ လမ်းမမေး တင် ပေ ၄ဝx ၆ဝ တစ်ကွက်ကို ကျပ်သိန်း ၁ဝဝဝ ဝန်းကျင်ရှိရာ ပုံမှန်ပေါက်ဈေးဖြင့် အရောင်းအဝယ်ရှိပါက ချက်ချင်းအရောင်းအဝယ်ပြုလုပ်၍ရကြောင်း သိရပါတယ်။ ဇူးဇူး
Background