ပဲစင်းငုံ ပြည်ပသင်္ဘောတင် တန် ၅ဝဝဝ ရှိ ပင်လယ်ရေကြောင်းက ပဲစင်းငုံတင်ပို့မှုမှာ ယခင်သီတင်းပတ်က တန်ချိန် တစ်သောင်းနီးပါးအထိ တိုးတက်ခဲ့ပြီး ယခုသီတင်းပတ် (မေလ ၂၆ ရက်မှ ဇွန်လ ၁ ရက်) အတွင်းမှာတော့ တန် ၅ဝဝဝ တင်ပို့နိုင်တာ တွေ့ရပါတယ်။ တင်ပို့တဲ့ နိုင်ငံကတော့ အဓိကအိန္ဒိယဖြစ်ပြီး မလေးရှားနဲ့ စင်ကာပူကိုလည်း အနည်းငယ်စီ တင်ပို့တာ တွေ့ရပါတယ်။ ၂ဝ၁၁-၁၂ ဘဏ္ဍာနှစ် မေလ ၂၇ ရက်နေ့အထိ တင်ပို့ပြီးစီးမှုအနေနဲ့ ပဲစင်းငုံ တန်ချိန် ၂၅ဝဝဝ ခန့်ရှိပြီး ယခင်ဘဏ္ဍာနှစ် ကာလတူက တန်ချိန် ၈ဝဝဝ ခန့်သာ ရှိတာတွေ့ပါတယ်။ ယခုနှစ်မှာ တင်ပို့မှုပမာဏ တန်ချိန် တစ်သောင်းကျော် ပိုမို တင်ပို့နိုင်ခဲ့ပါတယ်။ အရောင်းအဝယ်ပုံမှန်လေးဖြစ်နေလို့ လာမယ့်သီတင်းပတ်မှ လည်း ပုံမှန်တင်ပို့နိုင်မယ်လို့ ခန့်မှန်းကြပါတယ်။ MIRT- MAPT
Background