နယ်စပ်ပရဆေးကုန်သွယ်မှု ကန်ဒေါ်လာ ဝ ဒသမ ၅ သန်း ကျော် ဆောင်ရွက် ပရဆေးကုန်ကြမ်းများကို မူဆယ် (၁ဝ၅) မိုင်ကုန်သွယ်ရေးဇုန်မှ တရုတ်နိုင်ငံသို့ တင်ပို့မှုရှိပြီး အိန္ဒိယမှ ပရဆေးကုန်ကြမ်းကို တမူး နယ်စပ်မှ တင်သွင်းလျက်ရှိပါတယ်။ ယခုအပတ်မူဆယ်မှ ကန်ဒေါ်လာ ဝ ဒသမ ၅၁၆၅ သန်းတန်ဖိုးရှိ ပရဆေးကုန်ကြမ်း ၄ဝ၇ တန်ကျော် တင်ပို့မှုရှိခဲ့ပြီး ယခင်အပတ်တင်ပို့မှုမှာ တန်ချိန်အားဖြင့် ၁ တန်၊ တန်ဖိုးအားဖြင့် ကန်ဒေါ်လာ ဝ ဒသမ ဝ၅၁ သန်း တင်ပို့မှု ပိုမိုခဲ့ပါ တယ်။ မူဆယ်နယ်စပ်မှ အဓိကတင်ပို့တဲ့ ပရဆေး ကုန်ကြမ်းပစ္စည်းတွေကတော့ နနွင်းတက်၊ နနွင်းခေါင်း၊ ကွမ်းစားဂမုန်း၊ မိကျောင်း ကွမ်းဖတ်စေ့၊ နေလဲစေ့၊ မာလာဥ၊ မာလာဥခေါင်း၊ တောဂျင်း၊ ကျောက် ဂျင်း၊ ဒရင်ကောက်မြစ်၊ အုံတုံခေါက်၊ ကြောင်ပန်းစေ့၊ ကြောင်လျာစေ့၊ တောင်လုံးကျော်၊ ရွေးရွက်နဲ့ စကားပန်းပွင့်ခြောက်တို့ဖြစ်ပါတယ်။ တမူးနယ်စပ်မှ ကန်ဒေါ်လာ ၁၁ဝဝ တန်ဖိုးရှိ တောင်လုံးကျော် ၄ ဒသမ ၅ တန် တင်သွင်းမှု ရှိခဲ့ပါတယ်။ ယခင်အပတ်ကထက် တမူးမှ တောင်လုံးကျော် ၃တန် တင်သွင်းမှု ပိုမိုခဲ့ပါတယ်။ MIRT (DOBT)
Background