နယ်စပ်မှ သစ်သီးဝလံကုန်သွယ်မှု သရက်သီးရာသီချိန်ဖြစ်လို့ နယ်စပ်သစ်သီးဝလံ ကုန်သွယ်မှုမှာ ထိပ်ဆုံးကရောက်နေတဲ့ သီးနံှက သရက်သီး ဖြစ်ပါတယ်။ မေလ ၂၅ ရက်မှ ၃၁ ရက်ထိ ကာလအတွင်း မူဆယ်နယ်စပ်မှ ကန်ဒေါ်လာ ၁ ဒသမ ၆၅၅ သန်းတန်ဖိုးရှိ ရွှေဟင်္သာ ၂၆၂၁ တန်ကျော်၊ စိန်တလုံး ၅၃၃ တန်နဲ့ အကြမ်းသီး ၁၉၂၇ တန် တင်ပို့ခဲ့သလို မောင်တောနယ်စပ်မှ လည်း ကန်ဒေါ်လာ ဝ ဒသမ ဝ၁၄ သန်းတန်ဖိုးရှိ သရက်သီး (အကြမ်းသီး) ၆၂ တန်ကျော် တင်ပို့နိုင်ခဲ့ပါတယ်။ ယခုအပတ်မှာ သရက်သီးအပြင် ကန်ဒေါ်လာ ဝ ဒသမ ၂၂၄ သန်းတန်ဖိုးရှိ သရက်ပြားခြောက် ၂၆၂ တန်ကျော် တင်ပို့မှုရှိခဲ့ပါတယ်။ ယခင်အပတ်ကထက် သရက်သီး တန် ၁၂၈ဝ နီးပါး ယခုအပတ်မှာ တင်ပို့မှု ပိုမိုခဲ့ပါတယ်။ သရက်သီးအပြင် ရာသီချိန်ကုန်နေပြီဖြစ်တဲ့ ဖရဲသီး ၅၁ တန်၊ ကန်ဒေါ်လာ ဝ ဒသမ ဝဝ၈ သန်းဖိုးလည်း မူဆယ်မှ တင်ပို့နိုင်ခဲ့ပါတယ်။ ကန်ပိုက်တီးနယ်စပ်မှ ကန်ဒေါ်လာ ဝ ဒသမ ၅ဝ၃ သန်းတန်ဖိုးရှိ တစ်သျှူးငှက်ပျော ၄၁၆၉ တန်လည်း တင်ပို့နိုင်ခဲ့ပါတယ်။ ယခင်အပတ်ကထက် တန် ၂ဝဝဝ နီးပါး ပိုမိုတင်ပို့နိုင်ခဲ့ပါတယ်။ ယခုအပတ်နယ်စပ်မှ သစ်သီးဝလံ ကန်ဒေါ်လာ ၂ ဒသမ ၁၈ သန်းဖိုး တင်ပို့ နိုင်ခဲ့ပါတယ်။ သွင်းကုန်အနေနဲ့ မူဆယ်နယ်စပ်မှ ကန် ဒေါ်လာ ဝ ဒသမ ဝ၁၁ သန်း တန်ဖိုးရှိ ပန်းသီး ၃၃ တန် ကျော် တင်သွင်းမှုရှိခဲ့ပါတယ်။ ယခင်အပတ်ကထက် တန် ၁ဝဝ ကျော် တင်သွင်းမှုလျော့နည်းခဲ့ပါတယ်။ MIRT (DOBT)
Background