အောင်ပန်းချင်းဈေးငြိမ် အရောင်းအဝယ်အေး အောင်ပန်းဈေးကွက်မှာ ဒီတစ်ပတ်ရှမ်းချင်းဈေးကငြိမ်နေပါတယ်။ မိုးကောင်း နေတာကြောင့် အရောင်း အဝယ်ကလည်း အေးနေပါတယ်။ မနှစ်ကလောက်ဖြုန်း အားမရှိတာကြောင့် တောင်သူ၊ ကုန်သည်တွေထံမှာ လက်ကျန်အတော်ရှိနေပါတယ်။ နောက်တစ်ပတ်၊ နှစ်ပတ်လောက်မှာ ချင်း (ဥမ) တွေ ဈေးကွက်ကိုဝင် လာရင် ဒီထက်ပိုများအုံးမှာပါ။ ဒီနှစ်နွေရာသီမှာ ချင်း(စို) တွေ ဈေးကောင်းရတာကြောင့် တောင်သူတွေကလည်း ချင်းခြောက်အဖြစ်ပြုလုပ်ခြင်း သိပ်မရှိပါဘူး။ ဒါပေမဲ့ အောင်ပန်းဈေးကွက်မှာ ချင်းခြောက်ပိဿာချိန် ၃ သိန်းခန့် ကျန်ရှိနေသေးတယ်လို့ ဒေသခံပွဲရုံတွေက သိရှိရပါတယ်။ ချင်း (စို) တွေကလည်း ပြည်ပဝယ်လက် မရှိဘဲ ပြည်တွင်းဈေးပတ်သမားတွေသာ အဝယ်ရှိတဲ့အတွက် မနှစ်ကလောက် မဖြုန်းနိုင်ဘူးလို့ သိရပါတယ်။ ဒီတစ်ပတ်အောင်ပန်းဈေးကွက်မှာ ချင်း(စို) တစ်ပိဿာဈေးက (ညံ့စ) ၅ဝဝ ကျပ်၊ (လတ်စ) ၆ဝဝ ကျပ်-၇ဝဝ ကျပ်၊ (ထိပ်စ) ၈ဝဝ ကျပ်-၁ဝဝဝ ကျပ်နဲ့ ချင်းခြောက်ကတော့ တစ်ပိဿာ၂၄ဝဝ ကျပ်-၂၄၅ဝကျပ်ဈေးရှိပါတယ်။ တောင်ကြီး ဈေးကွက်မှာတော့ ချင်းခြောက်တစ်ပိဿာ ၂၂ဝဝ ကျပ်ဈေးရှိပါတယ်။ ဧဧခိုင်
Background