ကျောက်ဆည် နွေစပါးများ စတင်ပေါ် ပြီ မန္တလေးတိုင်းဒေသကြီး ကျောက်ဆည်ခရိုင်အနေဖြင့် နွေစပါး ၆၂၈၂၇ ဧက စိုက်ပိုျးနိုင်ခဲ့ပါတယ်။ ဇွန်လဆန်းမှစ၍ နွေစပါးများ စတင်ရိတ်သိမ်းနေကြပါပြီ။ နွေစပါးကို သက်ငယ် မျိုးစပါးဖြစ်တဲ့ ရွှေသွယ်ရင်၊ ဆင်းသွယ်လတ်၊ ဆင်းသုခ၊ မနောသုခ စပါးများကို စိုက်ပျိုးကြပါတယ်။ ယခုနှစ်မှာ မိုးရွာ သွန်းမှု အားကောင်းသောကြောင့် စပါးအထွက်နှုန်းလည်း ကောင်းကြပါတယ်။ တစ်ဧကကို ၈ဝ တင်းမှ ၉၅ တင်းအထိ ထွက်ရှိကြပါတယ်။ ယခုနှစ် စပါးဈေးကွက်မှာ စပါးတင်း ၁ဝဝ ကို ကျပ် ၃၅ဝဝဝဝ ဈေးနှုန်းနဲ့ ဆန် ၂၄ ပြည် တစ်အိတ် ကျပ် ၁၅ဝဝဝ ဈေးနှုန်းဖြင့် အရောင်းအဝယ်သွက်လျက် ရှိပါတယ်။ ယခင်နှစ် နွေစပါးဈေးကွက်မှာ စပါးတင်း ၁ဝဝ ကို ၃၂ဝဝဝဝ ကျပ်ဈေးနှုန်းနဲ့ ဆန် ၂၄ ပြည်တစ်အိတ်ကို ၁၂ဝဝဝ ကျပ်ဈေးနှုန်းဖြင့် ဈေးကွက်စခဲ့ပေါတယ်။ ယခုနှစ်မှာ တောင်သူ များအနေဖြင့် စပါးအရည်အသွေးကောင်း၍ အထွက်နှုန်း ကောင်းပြီး ဈေးကောင်းရရှိလျက်ရှိကြောင်းသိရပါတယ်။ ဝင်းမာ
Background