နယ်စပ်စခန်းများရဲ့ သစ်သီးဝလံ ကုန်သွယ်မှု ရာသီသီးနံှသရက်သီးများ နယ်စပ်စခန်းများမှ ဆက်လက်တင်ပို့လျက်ရှိရာ ကန်ဒေါ်လာ ၁ ဒသမ ၃၇၈ သန်း တန်ဖိုးရှိ သရက်သီးများ မူဆယ်မှ ၄၂၂၈ တန်ကျော်၊ မောင်တော မှ တန် ၉ဝ ကျော်နဲ့ တမူးမှ ၁၈ တန် အသီးသီးတင်ပို့ခဲ့ ပါတယ်။ မူဆယ်က ယခင်အပတ်ကတင်ပို့မှုထက် တန် ၈၃ဝ ကျော် တင်ပို့မှုလျော့နည်းခဲ့ပြီး နယ်စပ်စခန်းအားလုံးတင်ပို့မှု အနေနဲ့ တန် ၇၅ဝ ကျော် လျော့နည်းခဲ့ပါတယ်။ ယခု အပတ်မှာ သရက်ပြားခြောက် တန် ၂ဝဝ ကျော်ကန်ဒေါ်လာ ဝ ဒသမ ၁၈၂ သန်းဖိုး တင်ပို့နိုင်ခဲ့ပြီး ယခင်အပတ် တင်ပို့မှုထက် ၃၆ တန် လျော့နည်းတင်ပို့နိုင်ခဲ့ပါတယ်။ ကန်ပိုက်တီးနယ်စပ်မှ တစ်သျှုးငှက်ပျော ၇၄၅ တန် ကျပ် ၇၄ ဒသမ ၅ သန်းဖိုး တင်ပို့နိုင်ခဲ့ပြီး ယခင်အပတ်က ထက် တန် ၃၃၃ဝ ကျော် လျော့နည်းခဲ့ပါတယ်။ မိုးတွင်းကာလ ရောက်ပြီဖြစ်၍ မတ်စောက်သော တောင်တက်လမ်း များကို ဖြတ်သန်းသယ်ဆောင်နေရတဲ့အတွက် တင်ပို့မှုကျခဲ့ရ တာ ဖြစ်ပါတယ်။ မူဆယ်နယ်စပ်မှ ကန်ဒေါ်လာ ဝ ဒသမ ဝ၃၂ သန်း တန်ဖိုးရှိ ပန်းသီး ၈၈ တန်နီးပါး တင်သွင်းမှုရှိ ခဲ့ပြီးတမူးနယ်စပ် မှ ကန်ဒေါ်လာ ဝ ဒသမ ဝဝ၁ သန်းတန်ဖိုးရှိ ချင်းတောင် ပန်းသီး ၄ တန်ခန့် တင်ပို့မှုရှိခဲ့ပါတယ်။ တမူးနယ်စပ်မှ ပန်းသီးအပြင် ကန်ဒေါ်လာ ဝ ဒသမ ဝဝ၂ သန်း တန်ဖိုးရှိ ခရမ်းချဉ်သီး ၇ တန်လည်း ယခုအပတ် မှာ တင်ပို့မှုရှိခဲ့ပါ တယ်။ MIRT (DOBT)
Background