သွင်းကုန်အစားထိုးလုပ်ငန်းအဖြစ် အောင်မြင်စွာ ရပ်တည်လျက်ရှိသော PVC ပိုက် ထုတ်လုပ်မှုလုပ်ငန်းများ နိုင်ငံတစ်နိုင်ငံရဲ့ စီးပွားရေးဖွံ့ဖြိုးတိုးတက်စေဖို့ ဆောင်ရွက်ရာမှာ ကုန်ထုတ်စွမ်းအားတိုးတက်လာဖို့ လိုအပ်ပါတယ်။ ပြည်တွင်း ထုတ်ကုန်တွေ တိုးတက်ထုတ်လုပ်ဖို့ လိုအပ်သလို ပြည်ပထွက်ငွေ ယိုစီးမှုကို လျှော့ချနိုင်မယ့် သွင်းကုန်အစားထိုးလုပ်ငန်းတွေ ပိုမိုလုပ် ကိုင်ဖို့ လိုအပ်နေပါတယ်။ ဒါ့အပြင် နိုင်ငံတော်အပိုင်းကလည်း သွင်းကုန်အစားထိုးလုပ်ငန်းတွေကို တိုးတက်စေဖို့ အားပေးကူညီမှု တွေလည်း လုပ်ပေးနေပါတယ်။ ဒါကြောင့် စက်မှုလုပ်ငန်းတွေဖွံ့ဖြိုး ပြီး နိုင်ငံရဲ့ကုန်ထုတ်လုပ်ငန်းတွေလည်း တိုးတက်လာမှာဖြစ်ပါတယ်။ ယခင်က လယ်ယာသုံး၊ ဆောက်လုပ်ရေးလုပ်ငန်းသုံး၊ ဆည်မြောင်း ရေသွင်း/ရေထုတ်လုပ်ငန်း၊ အဝီစိတွင်းတူးလုပ်ငန်းနဲ့ စည် ပင်သာယာရေးလုပ်ငန်းတွေမှာ ပြည်တွင်းဈေးကွက်အတွက် လိုအပ် တဲ့ သံပိုက်၊ GI ပိုက်နှင့် သွပ်ပိုက်တွေကို အများဆုံးတင်သွင်းခဲ့ပြီး အသုံးပြုခဲ့တာ တွေ့ရပါတယ်။ နောက်ပိုင်းမှာ ခေတ်စနစ်တွေ တိုးတက်လာတာနဲ့အမျှ သံပိုက်နေရာမှာ ပြည်ပနိုင်ငံထုတ် PVC ပိုက်များကို ထပ်မံ မှာယူသုံးစွဲခဲ့ကြတာပါ။ အဲဒီအချိန်ကာလမှာ ပြည် တွင်းမှာ PVC ပိုက်ထုတ်လုပ်တဲ့ ပုဂ္ဂလိကစက်ရုံတွေ မရှိသေးပါဘူး။ ပြည်တွင်းလုပ်ငန်းရှင်တွေက PVC ပိုက် ဆိုဒ်မျိုးစုံကို ပြည်ပက မှာ ယူတင်သွင်းခဲ့ရာမှာ ကုန်ပွဖြစ်တာကြောင့်၊ သယ်ယူပို့ဆောင်ရာမှာ စရိတ်စကကြီးမားမှုနဲ့ အခက်အခဲမျိုးစုံနဲ့ ကြုံတွေ့ခဲ့ရပါတယ်။ အခု အခါမှာတော့ ပြည်တွင်းမှာ PVC ပိုက်ပျော့နှင့် ပိုက်မာထုတ်လုပ်တဲ့ စက်ရုံတွေ ခုနစ်ရုံလောက်ရှိပြီး PVC ပိုက်ဆိုဒ်မျိုးစုံကို တွင်ကျယ်စွာ ထုတ်လုပ်နေပြီလို့ သိရပါတယ်။ အဲဒီအထဲက ယနေ့ ပြည်တွင်းဈေး ကွက်မှာ အများဆုံးထုတ်လုပ်နေတဲ့ စက်ရုံတွေကတော့ အောင်ကမ္ဘာ နဲ့ တိုကျို၊ ဘင်ဟာ၊ PPI ၊ ဘိုဆန်းနဲ့ နေရှင်နယ်တို့ပါပဲ။ အခုလက်ရှိ အခြေအနေမှာတော့ ပြည်တွင်းပုဂ္ဂလိကထုတ်တဲ့ PVC ပိုက်ပျော့နဲ့ ပိုက်မာတွေဟာ ပြည်တွင်းဈေးကွက်မှာ တွင်ကျယ်စွာ အသုံးပြုနေတာ တွေ့ရပါတယ်။ ပြည်တွင်းဈေးကွက် ပြည်တွင်းဈေးကွက်မှာ PVC ပိုက်ပျော့နဲ့ ပိုက်မာတွေကို အများဆုံး ဝယ်ယူသုံးစွဲကြတာကတော့ လယ်ယာစိုက်ပျိူးရေးနှင့် ဆည်မြောင်းဝန်ကြီးဌာန၊ စည်ပင်သာယာရေးဦးစီးဌာန၊ လျှပ်စစ်စွမ်း အားဝန်ကြီးဌာန၊ ပုဂ္ဂလိက စက်ရုံများ၊ လယ်ယာသုံးနဲ့ ရွှေတွင်းတူးဖော်ရေးလုပ်ငန်းများ ဖြစ်ပါတယ်။ ဒါ့အပြင် အဆင့်မြင့်အိမ်ရာ စီမံ ကိန်းတွေ၊ အဝီစိတွင်းတူးတဲ့သူတွေ၊ မီးသုံးစွဲသူတွေ၊ ရေသွင်း/ရေ ထုတ်လုပ်ငန်းတွေမှာလည်း ဝယ်ယူသုံး စွဲမှုတွေ များလာတယ်လို့ သိရပါတယ်။ပိုက်လက်ရှိထုတ်လုပ်နေတဲ့လုပ်ငန်းတွေထဲက ပြည်တွင်းဈေးကွက်မှာ ဈေးကွက်အကြိုက် အောင်မြင်စွာ ထုတ်လုပ်နေတဲ့ အောင်ကမ္ဘာကုမ္ပဏီနဲ့ ဘိုဆန်းကုမ္ပဏီတို့ကို လေ့လာခဲ့ပါတယ်။ ဝယ်လိုအားရှိသလောက် ထုတ်လုပ်နေတဲ့ အောင်ကမ္ဘာ လှိုင်သာယာစက်မှုဇုန်(၂)မှာရှိတဲ့ အောင်ကမ္ဘာစက်ရုံကို ၂ဝဝ၅-၂ဝဝ၆ ခုနှစ်မှာ ထူထောင်ခဲ့ပြီး ကိုရီးယားနဲ့ တရုတ်နိုင်ငံ လုပ်တွေနဲ့ PVC ပိုက်ပျော့ လည်ချောင်းပိုက်ဆိုဒ်မျိုးစုံကို လိုင်း ၁ လိုင်းဖြင့် စတင်ထုတ်လုပ်ခဲ့ပါတယ်။ ''နည်းပညာကတော့ ကိုရီးယားနဲ့ တရုတ်ပါဘဲ၊ စထုတ်လုပ်တုန်းကဆိုရင် လုပ်သားအင်အား ၁၅ ဦးနဲ့ စခဲ့တာပါ။ ထုတ်လုပ်တဲ့ပစ္စည်းက နိုင်ငံတကာအရည်အသွေးမီလို့ ပြည်တွင်းဈေးကွက်မှာ ဝယ်လိုအားက များလာတယ်။ ထုတ်လုပ်မှု ကနည်းနေတော့ ၂ နှစ်ခြား ၁ လိုင်းစီထပ်တိုးခဲျ့ပြီး ထုတ်လုပ်လာတာ အခုဆိုရင် ၆ လိုင်းလောက်ရှိသွားပြီ'' လို့ စက်ရုံ အထွေထွေ မန်နေဂျာ ဦးမြင့်သန်းက ပြောပါတယ်။ ပြည်တွင်းရောင်းချရာမှာ သုံးစွဲသူတွေအကြိုက် ဒီဇိုင်းနဲ့ ဆိုဒ်မျိုးစုံကို စက်ရုံက ထုတ်လုပ်ပေးလို့ ပြည်တွင်းဈေးကွက်က ကြိုက်နှစ်သက်ကြပါတယ်။ PVC ပိုက်တွေကို ပြည်တွင်းမှာထုတ်လုပ်တယ်ဆိုပေမယ့် အခြေခံကုန်ကြမ်းတွေဖြစ်တဲ့ PVC အမှုန့်၊ DOB အမှုန့်နဲ့ ဓာတုပစ္စည်းမိုျးစုံကို ကိုရီးယား၊ မလေးရှားနဲ့ ယိုးဒယားနိုင်ငံတို့မှ အများဆုံးမှာယူရပြီး ထုံးကို တော့ ပြည်တွင်းဖြစ်ပဲသုံးပါတယ်။ ထုတ်လုပ်မှုက ၁လိုင်းကို ၁ ရက် ၁ တန်ခွဲမှ ၂ တန်အထိ ထုတ်လုပ်နေပါတယ်။ PVC လည်ချောင်း ပိုက်က ၁ လက်မခွဲမှ ၁ဝ လက်မအထိ၊ ပိုက်ပျော့က ၄ လက်မ တစ်မျိုးတည်းဖြစ်ပြီး လေပိုက်က ဆိုဒ်မိုျးစုံထုတ်လုပ်နေတယ်လို့ အဆိုပါပုဂ္ဂိုလ်ကပဲ ထပ်မံရှင်းပြပါတယ်။ PVC ပိုက်ဖြန့်ချိမှုကတော့ ရန်ကုန်၊ မန္တလေး၊ နေပြည်တော်ကို အဓိကဖြန့်ပြီး ကျန် တိုင်းဒေသကြီး၊ ပြည်နယ်များ ကိုလည်း စက်ရုံက ချိုသာသောဈေးနှုန်းနဲ့ တိုက်ရိုက်ရောင်းချပေးနေတာလို့ ဆိုပါတယ်။ ပြည်တွင်းဈေးကွက်မှာ PVC ပိုက်တွေ နေရာရလာတာနဲ့အမျှ စက်ရုံ အပိုင်းကလည်း တိုးခဲျ့ထုတ်လုပ်လာလို့ အခုဆိုရင် လုပ်သားအင်အား ၁ဝဝ ကျော်ရှိလာပြီလို့ သိရပါတယ်။ စက်မှုလုပ်ငန်းတွေ ဖွံ့ဖြိုး တိုးတက်လာတာနဲ့အမျှ လှိုင်သာယာအနီးတစ်ဝိုက်မှ လုပ်သား တွေလည်း အလုပ်အကိုင်အခွင့်အလမ်းတွေ ရရှိလာပါတယ်။ လုပ် သားတွေ ကျွမ်းကျင်ဖို့အတွက် တရုတ်ပညာရှင်များနဲ့ မကြာခဏ သင်တန်းတွေပေးခဲ့ပြီး လုပ်ငန်းခွင်မှာ ကျွမ်းကျင်လာအောင် စီစဉ် ပေးခဲ့တယ်လို့ သိရပါတယ်။ ''အရင်က PVC ပိုက်တွေကို ထုတ်လုပ်ရာမှာ မီးပုံမှန်မလာလို့ အခက်အခဲတွေရှိခဲ့ပါတယ်။ ဒီ PVC ပိုက်တွေထုတ်လုပ်ရာမှာ စက်ကို လုံးဝရပ်လို့မရပါဘူး။ မီးပုံမှန်မရ တော့ မီးစက်တို့၊ စက်ဆီတွေသုံးစွဲရလို့ ထုတ်လုပ်မှုကုန်ကျစရိတ်တွေ များလာခဲ့ပါတယ်။ အခုတော့ မီးကပုံမှန်နီးပါးလာလို့ ထုတ်လုပ်မှု စရိတ်တွေသက်သာပြီး ထုတ်လုပ်ရာမှာပိုပြီး အဆင်ပြေလာတယ်''လို့ စက်ရုံကတာဝန်ရှိသူတစ်ဦးက ဆိုပါတယ်။ ထပ်မံတိုးခဲျ့ထုတ်လုပ်နေတဲ့ FRP ပိုက်ကြီးတွေ ''FRP ပိုက်ကြီးတွေကို ဒူဘိုင်းနဲ့တရုတ်မှာ သုံးစွဲနေတာ ကြာပါပြီ။ မြန်မာပြည်မှာ အခုဆိုရင် FRP ပိုက်ကြီးတွေကို နိုင်ငံတကာ စံချိန်စံညွှန်းအတိုင်း ကျွန်တော်တို့ ထုတ်လုပ်နေပါပြီ။ FRP 1200 mm ပေါ့၊ အရှည်ကတော့ ၄ဝဒ ရှိပါတယ်။ သံပိုက် အစားထိုးပေါ့။ဒီ FRP က သံပိုက်လို သံချေးမတက်ဘူး။ ပင်လယ်ရေ အဖြတ်ခံတယ်။ အာမခံက အနည်းဆုံးအနှစ် ၅ဝ ပဲ၊ အခုဆိုရင် အောင်တံခွန်က လှော်ကားကို ရေပို့တဲ့နေရာမှာ သုံးနေပြီ''လို့ အထွေထွေမန် နေဂျာ ဦးမြင့်သန်းက ရှင်းပြပါတယ်။ ''အခုလည်း စည်ပင်သာယာရေးဝန်ကြီးဌာနက Order တွေရှိလို့ တောက်လျှောက်ထုတ်လုပ်နေ ရတယ်''လို့ အဆိုပါပုဂ္ဂိုလ်က ထပ်မံရှင်းပြပါတယ်။ ဈေးကွက်အကြိုက်ထုတ်လုပ်နေတဲ့ ဘိုဆန်း ''၁၉၉၇ နှစ်က မန္တလေးမှာ ယိုးဒယားက PVC ပိုက်တွေ သွင်းပြီး ပြည်တွင်းမှာ ကုန်စည်မိတ်ဆက်တဲ့အနေနဲ့ စရောင်းခဲ့တာပါ။ နောက်ပိုင်းမှာ သုံးစွဲသူတွေများလာလို့ ၂ဝဝ၂ ခုနှစ်မှာ လှိုင်သာယာ စက်မှုဇုန်ရှိ မြေ ၁ ဧကပေါ်မှာ တရုတ်၊ ဂျာမန်စက်ကြီးတွေနဲ့ PVC ပိုက်ကို လိုင်း ၂ လိုင်းနဲ့ စထုတ်ခဲ့ပါတယ်။ စထုတ်တုန်းက ငါးမူး ဆိုဒ်ကနေ ၁ဝ လက်မအထိ ထုတ်ခဲ့တာပါ။ စထုတ်တုန်းက လုပ်သား အင်အား ၄ဝ ဦးနဲ့စခဲ့တာပါ၊ ကျွန်တော်တို့ထုတ်လုပ်တဲ့ ရည်ရွယ်ချက်ကတော့ သုံးစွဲသူတွေအနေနဲ့ နိုင်ငံတကာအရည် အသွေးမီပစ္စည်း ဖြစ်ဖို့ရယ်၊ ဈေးနှုန်းခိသာစွာနဲ့ သုံးစွဲနိုင်ဖို့ရယ်ဆိုပြီး ထုတ် လုပ်ခဲ့တယ်''လို့ ဒါရိုက်တာ ဦးကျော်မင်းက ဆိုပါတယ်။ PVC ပိုက်ထုတ်လုပ်ဖို့လိုအပ်တဲ့ ကုန်ကြမ်းပစ္စည်းတွေဖြစ်တဲ့ PVC အမှုန့်ရယ်၊ အခြားဆက်စပ် ကုန်ကြမ်းတွေကို ယိုးဒယား၊ ကိုရီးယား၊ ဂျပန်၊ အင်ဒိုနီးရှားနဲ့ တရုတ်နိုင်ငံတို့မှ မှာယူတင်သွင်းပြီး ထုံးကိုတော့ မန္တလေးထုံးစက်ရုံက တိုက်ရိုက်မှာယူပါတယ်။ ကုန်ကြမ်းရရှိမှုအခြေအနေက အဆင်ပြေပါတယ်။ ထုတ်လုပ်တဲ့အခါမှာ အရင်က မီးမမှန်လို့ အခက်အခဲရှိပေမယ့် အခုတော့ မီးပုံမှန်လာနေ လို့ ထုတ်လုပ်ရာမှာ ပိုပြီးအဆင်ပြေကြောင်း ဦးကျော်မင်းကပဲ ပြော ပါတယ်။ ''စက်ရုံကထုတ်လုပ်တဲ့ PVC ပိုက်တွေကို ဘိုဆန်း၊ ဂျမ်ဘို တံဆိပ်တွေနဲ့ တစ်ပြည်လုံးဖြန့်ပြီးရောင်းပါတယ်။ ဝယ်လိုအားက များနေတယ်။ ကျွန်တော်တို့က ဒီလိုဖောက်သည်တွေကို ပစ္စည်း အပြည့် မပေးနိုင်သေးဘူး။ ဒါကြောင့် ထုတ်လုပ်မှုအပိုင်းကို တိုးခဲျ့ရာ မှာ အခုဆိုရင် လိုင်း ၈ လိုင်းနဲ့ ထုတ်လုပ်ပြီး လုပ်သား အင်အား လည်း တိုးခဲ့တဲ့အတွက် အခုဆိုရင် အင်အား ၂၆ဝ လောက်ရှိလာပြီ'' ဟု ဦးကျော်မင်းက ရှင်းပြပါတယ်။ လုပ်သားတွေ ကျွမ်းကျင်ဖို့အတွက် စက်စတင်လည်ပတ်တဲ့အခါက တရုတ်ပညာရှင်တွေက သင်တန်း ပေးခဲ့တာကြောင့် အခုဆိုရင် ဆင့်ပွားပြီးတတ်ကျွမ်းတဲ့သူက နောက် ထပ် အသစ်လုပ်သားတွေကို ထပ်မံသင်ကြားစေခဲ့ပါတယ်။ PVC ပိုက်တွေကို အများဆုံးသုံးစွဲတာကတော့ ဆောက်လုပ်ရေးလုပ်ငန်းများ၊ လယ်ယာစိုက်ပျိုးရေး လုပ်ငန်းများ၊ ရေအားလျှပ်စစ်လုပ်ငန်းများ၊ မြစ်ရေ တင်စီမံကိန်းများ၊ မီးကြိုးတပ်ဆင်တဲ့လုပ်ငန်းများ၊ အင်တာနာများ အထိပါပဲ။ နောက်ထပ်တိုးခဲျ့ ထုတ်လုပ်မှုက PVC ပိုက်ပျော့တွေထုတ်လုပ်သွားဖို့ အစီအစဉ်ရှိပါတယ်။ PVC ပိုက်မာက ဈေးကွက်ရဲ့ လိုအပ်ချက်ကို မဖြည့်ဆည်းနိုင်သေးဘူး၊ ဒါကြောင့် ပြည်တွင်းမှာ PVC ပိုက်ထုတ်လုပ်တဲ့စက်ရုံတွေ ထပ်မံတိုးခဲျ့ထုတ် လုပ်ဖို့ လိုအပ်နေသေးကြောင်း သိရပါတယ်။ သွင်းကုန်အစားထိုး စက်မှုလုပ်ငန်းကဏ္ဍတွေ ပိုမိုတိုးတက် လာရင် ပြည်ပသွင်းကုန်မှာ ယူမှု လျော့နည်းလာကာ ပြည်တွင်း ဈေးကွက်မှာ ဈေးနှုန်းခိုျသာစွာနဲ့ ဖြန့်ဖြူးရာင်းချနိုင်မယ်။ ပြည်တွင်း မှာလည်း အလုပ်အကိုင် အခွင့်အလမ်းတွေလဲ များလာမှာဖြစ်ပါတယ်။ ပြည်တွင်း PVC ပိုက်ထုတ်လုပ်တဲ့ လုပ်ငန်းရှင်တွေကလည်း ပြည်တွင်းဈေးကွက် ဆက်လက်ခိုင်မာလာဖို့ အရည်အသွေးကို တိုးတက်စေဖို့၊ ဈေးကွက်မှာ ယှဉ်ပြိုင်ရောင်းချနိုင်ဖို့ လိုအပ်သလို ပြည် တွင်းမှာသာမက ပြည်ပဈေးကွက်အထိ တင်ပို့ရောင်းချနိုင်အောင် ကြိုးပမ်းဖို့လိုပါကြောင်း ရေးသားလိုက်ရပါတယ်။
Background