နောက်ကို ဘယ်တော့မှ အင်္ကျီချွတ်ပြီး အောင်ပွဲမခံတော့ပါဘူး အိုလံပစ်လူငယ်ခြေစစ်ပွဲတွင် အိန္ဒိယလူငယ်အသင်းအား နှစ်ဂိုးတစ်ဂိုးဖြင့် ရှုံးနိမ့်ခဲ့သည့်ပွဲတွင် အင်္ကျီချွတ်အောင် ပွဲခံခဲ့သည့်အတွက် အနီကတ်ပြထုတ်ပယ်ခြင်းခံရသူ ကျော်ကိုကို နောက် နောင်ကို ယင်းကဲ့သို့ ပြုလုပ်တော့မည် မဟုတ်ကြောင်း ကတိပြုပြောကြားခဲ့သည်။ ကျော်ကိုကိုက ''ကျွန်တော်အင်္ကျီ ချွတ်အောင်ပွဲခံခဲ့တဲ့အတွက်အနီကတ်နဲ့ အထုတ်ခံခဲ့ရတယ်။ အဲဒီအတွက် ပြန် ပြီး ပေးဆပ်သွားမှာပါ။ နိုင်သွားရင် တော့ ကိုယ်ကောင်းလို့ဆိုပြီး ချီးကျူးကြ မှာပါ။ ရှုံးသွားရင်တော့ ဝိုင်းပြီးအပြစ် တင်ကြမယ်။ ဒါကြောင့် နောက်ကို ဒီလိုမျိုး ဘယ်တော့မှ မလုပ်တော့ပါဘူး လို့ ကတိပေးပါတယ်''ဟု ပြောကြား သွားခဲ့သည်။ အဆိုပါခြေစစ်ပွဲတွင် မြန်မာအိုလံ ပစ်လူငယ်အသင်းသည် ပထမအကျော့ အဝေးကွင်းပွဲစဉ်တွင် နှစ်ဂိုးတစ်ဂိုးဖြင့် ရှုံးနိမ့်ခဲ့သဖြင့် ဒုတိယအကျော့အိမ်ကွင်း တွင် ၁-ဝဖြင့်သာအနိုင်ရရှိပါက ခြေစစ် ပွဲနောက်တစ်ဆင့်တက်လှမ်းနိုင်မည်ဖြစ် သည်။ သို့သော် ပွဲချိန် ၆၂မိနစ်တွင် ကျော်ကိုကိုမှ အနိုင်ဂိုးတစ်ဂိုးသွင်းယူပြီး အောင်ပွဲခံရာတွင် အင်္ကျီချွတ်အောင်ပွဲ ခံခဲ့သဖြင့် နှစ်ဝါတစ်နီဖြင့် အထုတ်ခံခဲ့ ရသည်။ ထို့ကြောင့် ၁ဝယောက်ကျန် ဖြင့် ဆက်လက်ယှဉ်ပြိုင်ခဲ့ရာ အိန္ဒိယ လူငယ်အသင်းက ချေပဂိုးတစ်ဂိုးပြန် လည်ရရှိခဲ့သဖြင့် စုစုပေါင်းရလဒ် သုံးဂိုး နှစ်ဂိုးဖြင့် မြန်မာလူငယ်အသင်း အရေး နိမ့်ခဲ့ရသည်။
Background