ဒီတစ်ပတ် တန် ၇ဝဝဝ စာချုပ်ရောင်း ရန်ကုန်တိုင်းဒေသကြီး(ဘုရင့်နောင်)ကုန်စည်ဒိုင်ရဲ့ FOB ဈေးကွက်မှာ ပို့ကုန် ဝင်ငွေ တစ်ယူနစ်တန်ဖိုး ကျဆင်းခြင်းကြောင့် မြန်မာ့ပဲရောင်းသူများရော ပြည်ပဝယ်လက်များပါ မကိုက်တဲ့အတွက် အရောင်းအဝယ်ဖြစ်မှု နည်းတယ်လို့ သိရပါတယ်။ ဒါပေမဲ့ ဇွန်လ၁၈ ရက်မှ ၂၄ ရက်အထိ တစ်ပတ်အတွင်းမှာ ပဲစင်းငုံဖြူနီနဲ့ အဖြူ တန်ချိန် ၇ဝဝဝ ခန့် ပြည်ပအရောင်းအဝယ်စာချုပ်ချုပ်နိုင်ခဲ့တယ်လို့ သိရပါတယ်။ ဇွန်လ ၁ ရက်မှ ၂၄ရက်အတွင်း ပြည်ပအရောင်းအဝယ်စာချုပ်ချုပ်ဆို ပြီးစီးမှုဟာ တန်ချိန် ၁၉ဝဝ ကျော်ရှိပြီလို့ သိရပါတယ်။ အရောင်းအဝယ်ဖြစ်မှုနည်းပြီး ပို့ကုန် ဝင်ငွေတစ်ယူနစ် တန်ဖိုးကျဆင်းပေမဲ့ ပဲစင်းငုံ ရန်ကုန် FOB ဈေးနှုန်းကတော့ ယခင်တစ်ပတ်ဈေးအတိုင်းဇွန်လ၂၄ ရက်မှာလည်း ပဲစင်းငုံ (FAQ)တစ်တန် ကန် ဒေါ်လာ ၆၂ဝ-၆၄ဝ၊ ပဲစင်းငုံဖြူနီ၊ အဖြူ (FAQ ) တစ်တန် ကန်ဒေါ်လာ ၅၂ဝ- ၅၄ဝ ရှိတယ်လို့ သိရပါတယ်။ MIRT - MAPT
Background