ကမ္ဘာ့ရွှေဈေး တက်ရိပ်ပြလာသော်လည်း မန်းရွှေဈေး ကျဆင်း

ကမ္ဘာ့ရွှေဈေး တက်ရိပ်ပြလာသော်လည်း မန်းရွှေဈေး ကျဆင်း                      လဆန်းပိုင်းကစလို့ ကမ္ဘာ့ရွှေဈေးနှုန်း တက်ရိပ်ပြလာပေမဲ့ မန္တလေး ရွှေဈေးနှုန်းမှာ တစ်ရက်အတွင်း ကျ ဆင်းပြီး ဈေးနှုန်းငြိမ်သက်မှုမရှိကြောင်း သိရပါတယ်။ မန္တလေး ရွှေဈေးကွက်အတွင်းသို့ ဒေါ်လာအရောင်းအဝယ် ပြုလုပ်သူများမှ ဈေးနှုန်းများဆွဲတင်ဆွဲချ ကစားခြင်း ကြောင့်ရွှေဈေးအတက်အကျအပြောင်း အလဲများဖြစ်ပေါ်လျက်ရှိတယ်လို့ သိရ ပါတယ်။                     ''ရွှေဈေးကွက်မှာ ပြန်ရောင်းတဲ့ သူများနေတယ်။ ကမ္ဘာ့ရွှေဈေးကလည်း တအားမကျဘူး။ ဒေါ်လာငွေ လဲလှယ် နှုန်းကလည်း ၈ဝဝ ဝန်းကျင်မှာပဲ ရှိနေ တယ်။ အရင်က ရွှေဈေးက ထွက်ရှိနှုန်း အနည်းအများနဲ့ ဝယ်လိုအားပေါ် မူတည်ပြီး ဈေးနှုန်းအပြောင်းအလဲဖြစ်ခဲ့ တာ။ ဒါ့အပြင် ကမ္ဘာ့ရွှေဈေးတက်ရင် မြန်မာ့ရွှေဈေးတက်သလို၊ ကမ္ဘာ့ရွှေဈေး ကျရင် မြန်မာ့ရွှေဈေး ကျတတ်တယ်။ အခုနောက်ပိုင်းမှာ ဒေါ်လာအရောင်း အဝယ်ပြုလုပ်သူတွေက ဒေါ်လာ အရောင်းအဝယ်ပြုလုပ်ရတာ မကိုက်တော့ ဒီဘက်ဝင်လာပြီး ဈေးကစားကြ တာ၊ ခုချိန်မှာ ရွှေဈေးနှုန်း အတက် အကျက ခန့်မှန်းလို့မလွယ်ဘဲ ဒေါ်လာ ဈေးပေါ်မူတည်လာတာဖြစ်တယ်'' လို့ အောင်သမာဓိရွှေဆိုင်မှ မဇင်က ပြော ပါတယ်။                      ဇူလိုင် ၁ ရက်တွင် ကမ္ဘာ့ရွှေဈေး နှုန်းမှာ ၁၄၈၇ ဒေါ်လာရှိခဲ့ရာမှ ဈေး တက်ရိပ်ပြလာခဲ့ပါတယ်။ ဇူလိုင် ၁၁ ရက်နေ့တွင် ကမ္ဘာ့ရွှေဈေးမှာ ၁၅၄၄ ဒေါ်လာရှိ၍ တစ်ဒေါ်လာလျှင် မြန်မာ ငွေ ၈ဝဝ ကျပ်၊ ၈ဝ၁ ကျပ်၊ မန္တလေး (အောင်သမာဓိ) ရွှေဈေးနှုန်းမှာ ၆၆ဝ၅ဝဝ ကျပ်ဖြင့် နံနက်ပိုင်းဈေးဖွင့်၍ နေ့လယ်ပိုင်းတွင် ၆၅၉၈ဝဝ ကျပ်ရှိပြီး၊ ၆၆ဝဝဝဝ ကျပ်ဖြင့် ဈေးပိတ်ခဲ့ပါတယ်။ ဇူလိုင် ၁၂ ရက်တွင် ကမ္ဘာ့ရွှေဈေးမှာ ၁၅၅၃ ဒေါ်လာ၊ တစ်ဒေါ်လာ လျှင် မြန်မာငွေ ၈ဝဝ ကျပ်၊ မြန်မာ့ရွှေ (အောင်သမာဓိ) ဈေး ၆၆ဝ၅ဝဝ ကျပ်ဈေးဖွင့်၍ ၆၅၈၂ဝဝ ကျပ်ဖြင့် ဈေး ပိတ်ခဲ့ကြောင်း သိရပါတယ်။ ဇူးဇူး