၂ဝ၁ဝ ပြည့်မှာ ဟွန်ဒိုင်း-ကီးယားရဲ့ ကားထုတ်လုပ်မှုက ကမ္ဘာမှာ စတုတ္ထနေရာရလာ အမေရိကန် ပြည်ထောင်စုနဲ့ တရုတ်နိုင်ငံမှာ ရောင်းအားခိုင်မာလာတဲ့အတွက် တောင်ကို ရီးယား နိုင်ငံရဲ့ ဟွန်ဒိုင်းမော်တာ ကုမ္ပဏီနဲ့ သူရဲ့ ညီနောင်ကုမ္ပဏီ ကီးယားမော်တာကော်ပိုရေးရှင်း တို့ဟာ ကမ္ဘာ့ ကားထုတ်လုပ်မှုမှာ စတုတ္ထနေရာကို ရလာကြတယ်လို့ ဂျပန် ဈေးကွက်သုတေသနအဖွဲ့ တစ်ခုက ဇူလိုင် ၁၁ ရက်နေ့က ပြောပါတယ်။ ကုမ္ပဏီ နှစ်ခုရဲ့ စုစုပေါင်းထုတ်လုပ်မှုက ၂ဝဝ၉ ခုနှစ်က ၅ ဒသမ ၃၄ သန်း ရှိခဲ့ပြီး ၂ဝ၁ဝ ပြည့်နှစ်မှာ ၆ ဒသမ ၆ဝ သန်း ရှိခဲ့တဲ့ အတွက် ၂၃ ဒသမ ၆ ရာခိုင်နှုန်း တိုးတက်ခဲ့ပါတယ်။ ဟွန်ဒိုင်းနဲ့ ကီးယားကုမ္ပဏီတို့ဟာ ဟွန်းဒိုင်း မော်တာအစုအဖွဲ့ရဲ့ ရှေ့ဆောင်ကုမ္ပဏီတွေ ဖြစ် ကြပါတယ်။ ၂ဝ၁ဝပြည့်နှစ်က ဂျင်နရယ် မော်တာကုမ္ပဏီ ဟာ ကမ္ဘာ့ ကားထုတ်လုပ်မှုမှာ အကြီးဆုံး ကုမ္ပဏီ ဖြစ်ပြီး သူ့နောက်က တိုယိုတာမော်တာ ကုမ္ပဏီ နှင့် ဗောက်စ်ဝက်ဂင် ကုမ္ပဏီတို့ ရှိနေပါတယ်။ ကားထုတ်လုပ်မှု အရေအတွက် မြင့်တက်ရတာ အဓိကအားဖြင့်တရုတ်နဲ့ အမေရိကန် ပြည်ထောင် စုမှာ အဝယ်လိုက်လာပြီး ချက်ပြည်ထောင်စုနဲ့ ဆလိုဗေးကီးယား နိုင်ငံတွေက စက်ရုံတွေမှာ စွမ်းအားပြည့် ထုတ်လုပ်နိုင်ခဲ့လို့ ဖြစ်တယ်လို့ ဂျပန် သုတေသနအဖွဲ့က ပြောပါတယ်။ Source: yonhapnews.com
Background