နယ်စပ်မှ ကန်ဒေါ်လာ ၇ သန်းကျော် တန်ဖိုးရှိ ပရဆေးကုန်ကြမ်းများ တင်ပို့ မြန်မာ-တရုတ်နယ်စပ်ရှိ မူဆယ် ၁ဝ၅ မိုင် ကုန်သွယ်ရေးဇုန်မှ တစ်ဖက်နိုင်ငံသို့ ကန်ဒေါ်လာ ၇ ဒသမ ၄၄၂ သန်း တန်ဖိုးရှိ ပရဆေးကုန်ကြမ်း ၁၃၅၅ တန်ကို ဇူလိုင်လ ၂ဝ ရက်မှ ၂၆ ရက်ထိကာလအတွင်း တင်ပို့နိုင်ခဲ့ပါတယ်။ ယခင်အပတ်ကထက် ၁ဝ၅၇ တန် တင်ပို့မှုပိုမိုခဲ့တာ ဖြစ်ပါ တယ်။ ယခုအပတ်တင်ပို့ခဲ့တဲ့ ပရဆေးကုန်ကြမ်းတွေကတော့ မုတ်ခါး၊ မာလာဥ၊ မာလာဥခေါင်း၊ ရှားစေး၊ ဒရင်ကောက်မြစ်၊ အုံတုံခေါက်၊ ကွမ်းစားဂမုန်း၊ စကားပန်းပွင့်ခြောက်၊ စမုံစပါး၊ တောဂျူးမြစ်၊ နနွင်းခေါင်း၊ နနွင်းတက်(ရှမ်းစ)၊ ဖန်ခါးသီးခြောက်၊ မိကျောင်းကွမ်းဖတ်စေ့၊ ကျောက်ဂျင်း၊ ကြောင်ပန်း စေ့၊ တောဂျင်း၊ တောင်လုံးကျော်နဲ့ ရွေးရွက်တို့ ပဲဖြစ်ပါတယ်။ ယခုအပတ်မှာ မာလာဥ၊ ရှားစေး၊ ကွမ်းစားဂမုန်း၊ စကား ပန်းပွင့်ခြောက်၊ တောဂျူးမြစ်၊ နနွင်းခေါင်း၊ နနွင်းတက်၊ မိချောင်းကွမ်းဖတ်စေ့၊ ကြောင်ပန်းစေ့၊ တောဂျင်း၊ တောင်လုံး ကျော်နဲ့ ရွေးရွက်များ ယခင်အပတ်ကထက် ပိုမိုတင်ပို့ နိုင်ခဲ့သလို ယခင်အပတ်က တင်ပို့ခဲ့ခြင်းမရှိတဲ့ မုတ်ခါး၊ ဒရင် ကောက်မြစ်၊ အုံတုံခေါက်၊ မာလာဥခေါင်းနဲ့ ကျောက်ဂျင်းများ ကိုယခုအပတ်မှာ တင်ပို့နိုင်ခြင်းကြောင့်လည်း ယခင်အပတ် ကထက် တင်ပို့မှု တန် ၁ဝဝဝ ကျော် ခဲ့တာဖြစ်ပါတယ်။ ပရဆေးကုန်ကြမ်းတင်သွင်းမှုအပိုင်းမှာတော့ တမူးနယ် စပ်မှ ကန်ဒေါ်လာ ဝ ဒသမ ဝဝဝ၃ သန်း တန်ဖိုးရှိ တောင် လုံးကျော် ၁ တန်သာအသွင်းရှိခဲ့တယ်လို့ သိရပါတယ်။ MIRT(DOBT)
Background