သဘာဝပတ်ဝန်းကျင် ထိန်းသိမ်းရေးအတွက် အုတ်နီခဲအစား ဗြုန်းအုတ်အသုံးများလာ၍ ထုတ်လုပ်မှုတွင်ကျယ်လာ သဘာဝပတ်ဝန်းကျင် ထိန်းသိမ်းရေးအတွက် စီမံကိန်းလုပ်ငန်းများ၌ ဗြုန်းအုတ်အသုံးများလာ၍ ဗြုန်းစက်ထုတ်လုပ်မှုမှာ တစ်နှစ်ထက်တစ်နှစ် တွင်ကျယ်လာကြောင်း သိရပါတယ်။ မန္တလေးစက်မှုဇုန် ၂၊ မက္ခရာလမ်း၊ လမ်း ၅ဝ နဲ့ ၅၁ လမ်းကြားရှိ တော်ဝင်စက်မှုလက်မှုလုပ်ငန်းရှင် ဦးတင်မောင်ကြည်က ''ကျွန်တော်တို့အလုပ်ရုံကနေ ၁၉၉၉ ခုနှစ်ကစပြီး ဗြုန်းအုတ်စက်ထုတ်လုပ်ခဲ့တာ ဒီနှစ်မှာ မှာယူမှုများလာတယ်။ အုတ်နီထုတ် လုပ်တဲ့ ကျောက်ဆည်ဘက်က လုပ်ငန်းရှင်ကလည်း ကျောက်မှုန့်နဲ့ အုတ်ထုတ်ဖို့ ကမ်းလှမ်းထားပြီး၊ လောလောဆယ်မှာ စီမံကိန်းလုပ်ငန်းလုပ်ဖို့ GE တပ်၊ ထူးကုမ္ပဏီ၊ အေဝမ်းကုမ္ပဏီ၊ အေးရှားဝေါကုမ္ပဏီတွေကလည်း ဝယ်ယူမှုရှိတယ်။ ရန်ကုန်၊ နေပြည်တော်၊ ပြင်ဦးလွင်၊ ကလော၊ လားရှိုး၊ မူဆယ်၊ သပိတ်ကျင်းဘက်ကလည်း ဝယ်ယူမှုရှိတယ်။ တရုတ်နိုင်ငံလုပ် ဗြုန်းအုတ် စက်ဝင်ပေမယ့် ဈေးနှုန်းက စက်ကြီးဆို ဈေးတော်တော်ကွာတယ်၊ မိုစက်လည်းပြန်ပြင်ပြီး အသုံးပြုလို့ရတော့ မန္တလေးစက်မှုဇုန် ထုတ်စက်ကို အသုံးများလာတာ'' လို့ ပြောပါတယ်။ တော်ဝင်စက်မှုလက်မှုလုပ်ငန်းမှ ဗြုန်းအုတ်စက် နှစ်မျိုးထုတ်လုပ်လျက်ရှိရာ အင်ဂျင်၊ ရိုက်စက်၊ အုတ်စက်၊ မွှေစက်၊ ဖရိန်၊ ခွာပုံနဲ့ ရှပ်တန်းပါပြီး၊ သိန်း ၆ဝတန် စက်မှာ ၈ နာရီလျင် အခဲ ၄ဝဝဝနှုန်းထွက်ရှိပါတယ်။ မော်တာပါဝင်တဲ့ Hydrolie စက်မှာ ၈ နာရီလျင် အခဲ ၁၂ဝဝဝ နဲ့အထက် ထွက်ရှိပြီး ဈေးနှုန်းမှာ ကျပ် ၁၇၅ သိန်းရှိကြောင်း သိရပါတယ်။ ဇူးဇူး
Background