စစ်တွေနယ်စပ်မှ ယခုအပတ်ရေထွက်ပစ္စည်း တင်ပို့မှုလျော့ သြဂုတ် ၃ ရက်မှ သြဂုတ် ၉ ရက်ထိ ကာလအတွင်း စစ်တွေနယ်စပ်မှ ရေငန်ပုစွန် ၅ တန်ကျော် တန်ဖိုးကန်ဒေါ်လာ ဝ ဒသမ ဝ၃၁ သန်း၊ ငါးနီတူခြောက် ၃ တန် တန်ဖိုးကန်ဒေါ်လာ ဝဒသမ ဝဝ၄ သန်း၊ရေချိုငါးတန် ၁၄ဝကျော် တန်ဖိုး ကန်ဒေါ်လာ ဝ ဒသမ ၁၁၉ သန်း၊ စုစုပေါင်းတန်ချိန် ၁၅ဝကျော်တန်ဖိုး ကန် ဒေါ်လာ ဝ ဒသမ ၁၅၄သန်းတင်ပို့နိုင်ခဲ့ပါတယ်။ ယခင်အပတ်က တန်ချိန် ၄၂ဝကျော်တင်ပို့နိုင်ခဲ့ပြီး၊ ယခုအပတ်မှာတော့ တန်ချိန် ၂၇ဝ ကျော်လျော့နည်းတင်ပို့တာတွေ့ရပေမဲ့လည်း ယခုအပတ်မှာ ငါးနီတူ ခြောက် ပါတင်ပို့နိုင်တာ တွေ့ရပါတယ်။ ရာသီဥတုအခြေအနေကြောင့် မိုးသည်း ထန်စွာရွာသွန်းနေတဲ့ အတွက် ရေထွက်ကုန်များစုစည်းရရှိမှုနည်းခြင်း၊ လမ်းပန်း ဆက်သွယ်ရေးအခက်အခဲများကြောင့် တင်ပို့မှုလျော့နည်းခဲ့ ရခြင်းဖြစ်ပါ တယ်။ စစ်တွေနယ်စပ်မှ တစ်ဘက်ဘင်္ဂလားဒေ့ရှ်နိုင်ငံသို့ ဇူလိုင်လတစ်လလုံး ရေထွက်ပစ္စည်းတန်ချိန် ၁၄၃၇ ကျော် တန်ဖိုး ကန်ဒေါ်လာ ၁ ဒသမ ၃၅၇ သန်း တင်ပို့နိုင်ခဲ့တယ်လို့သိရပါတယ်။ မိမိဘက်မြေပြင်ပေါက်ဈေးများကတော့ ရေချိုငါး ၁ တန်ကို ကန်ဒေါ်လာ ၇၇၅ မှ ၁၄၂၈ ထိ ဖြစ်ပြီး၊ ငါးနီတူခြောက် ၁ တန်ကို ကန်ဒေါ်လာ ၁၃၉ဝ နဲ့ ရေငန် ပုစွန် တန် ၁ တန်ကို ကန်ဒေါ်လာ ၄၂ဝဝ မှ ၁ဝ၅ဝဝ ထိဈေးပေါက်လျက် ရှိပြီး ယခင်အပတ်အတိုင်း ဈေးပြောင်းလဲ မှု မရှိဘူးလို့သိရပါတယ်။ တင်တင်ထွန်း၊MIRT(DOBT)
Background