ယခင်အပတ်ထက် ပရဆေး အဝင်လျော့ ယခုအပတ်မှာ မူဆယ်နယ်စပ်မှ ကန်ဒေါ်လာ ဝ ဒသမ ၃၁၁ သန်းတန်ဖိုးရှိ ပရဆေးကုန်ကြမ်း ၂ဝ၁ တန် အပို့ရှိခဲ့ပြီး ယခင်အပတ်ထက် ၈၆ တန် လျော့နည်းတင်ပို့ခဲ့တာတွေ့ရပါတယ်။ ယခုအပတ်တင်ပို့တဲ့ ပရဆေးကုန် ကြမ်းတွေကတော့ မိကျောင်းကွမ်းဖတ်စေ့၊ စကားပန်းပွင့်ခြောက်၊ နေလဲစေ့၊ နနွင်းတက် (ရှမ်းစ)၊ နနွင်းခေါင်း၊ မာလာဥ၊ ကွမ်းစားဂမုန်း၊ ကြောင်ပန်းစေ့၊ အုံတုံခေါက်၊ တောဂျူးမြစ် နဲ့ တောင်လုံးကျော် တို့ဖြစ်ပါတယ်။ယခင်အပတ် တင်ပို့မှုရှိခဲ့တဲ့ တောဂျင်းကတော့ ယခုအပတ်မှာ တင်ပို့မှုမရှိပါဘူး။ ယခင်အပတ်က တင်ပို့ခဲ့ခြင်းမရှိပေမဲ့ ယခုအပတ်မှာ တောင်လုံးကျော် တင်ပို့မှု ရှိခဲ့ပါတယ်။ နေလဲစေ့၊ ကြောင်ပန်းစေ့၊ မာလာဥနဲ့ တောဂျူးမြစ်တို့ ယခင်အပတ်ကထက် ပိုမိုတင်ပို့နိုင်ခဲ့ပြီး မိကျောင်းကွမ်းဖတ်စေ့၊ နနွင်းတက် (ရှမ်းစ)၊ နနွင်းခေါင်း၊ စကားပန်းပွင့်ခြောက်၊ အုံတုံခေါက်နဲ့ ကွမ်းစားဂမုန်းတို့ လျော့နည်းတင်ပို့ခဲ့ပါတယ်။ တမူးနယ်စပ်မှ ကန်ဒေါ်လာ ဝ ဒသမ ဝဝ၁ သန်းတန်ဖိုးရှိ တောင်လုံးကျော် ၅ ဒသမ ၅ တန်နဲ့ ကန်ဒေါ်လာ ဝ ဒသမ ဝဝ၄ သန်းတန်ဖိုးရှိ ဖာလာ ဝ ဒသမ ၅ တန်အသွင်းရှိခဲ့ပါတယ်။ ယခင်အပတ်ကထက် တင်သွင်းမှု ပမာဏ ပိုမိုခဲ့သော်လည်း တန်ဖိုးမှာမူ ယခင်အပတ်ကို မမီခဲ့ပါဘူး။ ယခင်အပတ်က မင်သော်၊ ရှိန်းခို၊ ဆောင်မေခါးတို့ကို ၃ တန်ကျော် တန်ဖိုးအားဖြင့် ကန်ဒေါ်လာ ဝ ဒသမ ဝ၁၅ သန်းဖိုး တင်သွင်းခဲ့တာ ဖြစ်ပါတယ်။MIRT(DOBT)
Background