မော်တော်ယာဉ်သက်တမ်း နှစ် ၄၀ အထက်ရှိ မော်ဒယ်အနိမ့်ကားများအား သတ်မှတ်ထားသော မော်ဒယ်မြင့်ကားများနှင့် အစားထိုးလဲလှယ်ပေးမယ့် အစီအစဉ်စတင်ချိန်တွင် ပုသိမ်ကားဟောင်းဈေးကွက် ဈေးမြင့်တက်လျက်ရှိ

မော်တော်ယာဉ်သက်တမ်း နှစ် ၄၀ အထက်ရှိ မော်ဒယ်အနိမ့်ကားများအား သတ်မှတ်ထားသော မော်ဒယ်မြင့်ကားများနှင့် အစားထိုးလဲလှယ်ပေးမယ့် အစီအစဉ်စတင်ချိန်တွင် ပုသိမ်ကားဟောင်းဈေးကွက် ဈေးမြင့်တက်လျက်ရှိ                     နိုင်ငံတော်အကြီးအကဲများရဲ့ လမ်းညွှန်ချက်နဲ့အညီ သက်တမ်းအနှစ် ၄၀ အထက်ရှိ မော်ဒယ်နိမ့်ကားများအား သတ်မှတ်ထားသောမော်ဒယ်မြင့်ကားများနဲ့ လဲလှယ်ပေးမယ့် အစီအစဉ်ကို စတင်ကြေညာတဲ့နေ့မှစ၍ ပုသိမ်ဈေးကွက် သို့ ရန်ကုန်၊ မန္တလေး၊ မော်လမြိုင်၊ ဟင်္သာတမြို့နယ်များမှ ဝယ်လက်များက မော်ဒယ်နိမ့်ကားများကို လိုက်လံ၍ ဝယ်ယူလျက်ရှိကြောင်း သိရပါတယ်။                   ပုသိမ်ဈေးကွက်အတွင်းရှိ မော်ဒယ်အနိမ့် ဒတ်ဆန်းကားဈေးမှာ ယခင် ကျပ် ၁၆-၁၈ သိန်းဈေးမှ ယခုကျပ် ၄၈ သိန်းဝန်းကျင်၊ ဖယ်မလီယာ တံခါးနှစ်ပေါက်မှာ ယခင်ကျပ် ၁၈ သိန်းမှ ယခု ကျပ် ၅၅-၆၀ သိန်း၊ အမေရိကန်ဂျစ် မှာ ယခင်ကျပ်သိန်း ၂၀ ဝန်းကျင်မှ ယခုကျပ်သိန်း ၄၀ နဲ့ မာစတာဘီ ၆၀၀ ကားများမှာ ယခင်ဈေး ကျပ် ၁၆-၁၇ သိန်းမှ ယခုကျပ် ၃၅ သိန်းဝန်းကျင်ဖြင့် အရောင်းအဝယ်ဖြစ်လျက်ရှိကြောင်း ပုသိမ်ကားဈေးကွက်မှ သိရပါတယ်။ မင်းမင်းဦး