ယခုအပတ် နယ်စပ်မှ ပရဆေးအပို့လျော့ ယခုအပတ်မှာ မူဆယ်နယ်စပ်မှ ကန်ဒေါ်လာ သုညဒသမ ၅၈၈ သန်းတန်ဖိုးရှိ ပရဆေးကုန်ကြမ်း ၃၁၈ တန်ကျော်အပို့ရှိခဲ့ပြီး ယခင်အပတ်တင်ပို့မှုထက် ၂၉၁ တန် တင်ပို့မှုလျော့နည်းခဲ့ပါတယ်။ ယခု အပတ်မူဆယ်နယ်စပ်မှ တင်ပို့တဲ့ ပရဆေး ကုန်ကြမ်းတွေက မိကျောင်းကွမ်းဖတ်စေ့၊ နနွင်းတက် (ရှမ်းစ)၊ ကွမ်းစားဂမုန်း၊ ချဉ်ပေါင်ဖာလာ (အခွံပါ/အခွံမပါ)၊ ကြောင်လျာစေ့၊ ကြောင်ပန်းစေ့၊ တစေး၊ အုံတုံခေါက်၊ တောချင်း၊ နေလဲစေ့နဲ့ တောင်လုံးကျော်တို့ဖြစ်ပါတယ်။ ယခင် အပတ် ကတင်ပို့နိုင်ခြင်းမရှိတဲ့ ချဉ်ပေါင်ဖာလာ၊ ကြောင်လျာစေ့၊ တစေးနဲ့ တောင်လုံး ကျော်တို့ ယခုအပတ်မှာ အပို့ရှိပေမဲ့ ယခင်အပတ်ကအပို့ရှိခဲ့တဲ့ မာလာဥ၊ မာလာဥ ခေါင်း၊ နနွင်ခေါင်း၊ ဖန်ခါးသီးခြောက်၊ စကားပန်းပွင့်ခြောက် ၊ ရှားစေး၊ ကျောက်ချင်း၊ ဒရင်ကောက်မြစ်နဲ့ ရွေးရွက်တို့တော့ ယခုအပတ် တင်ပို့နိုင်ခြင်း မရှိခဲ့ပါဘူး။ ဒါ့ကြောင့်မို့ ယခုအပတ်မှာ ပရဆေးတင်ပို့မှု အမယ်ရော၊ ပမာဏပါလျော့နည်းခဲ့ တာ ဖြစ်ပါတယ်။ တမူးနယ်စပ်ကနေ ကန်ဒေါ်လာ ၂၀၀ တန်ဖိုးရှိ တောင်လုံးကျော် ၁ တန်သာ ယခုအပတ်မှာ အသွင်းရှိခဲ့ပါတယ်။ MIRT(DOBT)
Background