ပဲတီစိမ်းတင်ပို့မှု ပြန်နှေး ပင်လယ်ရေကြောင်းက ပဲတီစိမ်းတင်ပို့မှုဟာ ယခင်သီတင်းပတ်က တန်ချိန် ၄၅၀၀ ထိ တိုးတက်တင်ပို့ နိုင်ခဲ့ပေမဲ့ ယခုသီတင်းပတ် (စက်တင်ဘာ ၁၁ ရက်မှ ၁၇ ရက်)အတွင်းမှာတော့ တန်ချိန် ၂၄၀၀ ကျော်ကို ပြန်လည်လျော့ကျ တင်ပို့ လာတာ တွေ့ရပါတယ်။ အိန္ဒိယပြည်တွင်းမှာ ပဲတီစိမ်းအသစ်အချို့ ဈေးကွက်ထဲ ဝင်လာပြီဖြစ်လို့ မြန်မာနိုင်ငံက ပဲတီစိမ်း အဝယ်မသွက်ဘဲ ပုံမှန်သာ ဝယ်ယူမှုရှိပြီး တင်ပို့မှုလည်း နည်းနေတာ ဖြစ်ပါတယ်။ လက်ရှိဘဏ္ဍာနှစ် စက်တင်ဘာလ ၁၆ ရက်နေ့အထိ စုစုပေါင်း ပဲတီစိမ်းတင်ပို့ပြီးစီးမှု တန်ချိန် ၁၈၆၀၀၀ ခန့်ရှိပြီး ယခင်ဘဏ္ဍာနှစ် ကာလတူက တန်ချိန် ၁၂၀၀၀၀ ကျော်တင်ပို့မှုနဲ့ ယှဉ်ရင် တန်ချိန် ၆ သောင်း ကျော်ပိုတင်နိုင်တာ တွေ့ရပါတယ်။ MIRT- MAPT
Background