ရေနံထုတ်လုပ်သူများနှင့် သုံးစွဲသူများအနေဖြင့် လက်ရှိရေနံစိမ်းဈေးနှုန်းအပေါ် စိတ်ကျေနပ်မှုရှိနေ

                     အမေရိကန်စီးပွားရေး ပြန်လည်ကောင်းမွန်လာတဲ့ လက္ခဏာတွေရှိလာ တဲ့အပြင် အီးယူဒေသ အစိုးရတွေက ဒေသတွင်း ကြွေးမြီအကျပ်အတည်းကို ထိန်းချုပ်မယ်လို့ ကတိပေးလိုက်ခြင်းကြောင့် ရင်းနှီးမြှုပ်နှံသူတွေက လောင်စာဝယ်လိုအား မြင့်မားလာဦးမယ်လို့ မျှော်မှန်းကြတယ်။ ဒါကြောင့် အောက် တိုဘာ ၁၀ ရက်က နယူးယောက်မှာ ရေနံစိမ်းဈေးနှုန်းတွေ စတုတ္ထမြောက် နေ့အဖြစ် မြင့်မားလာတယ်။ နယူးယောက် ကုန်စည်ရောင်းဝယ်ရေးမှာ နိုဝင်ဘာလ အရောက်ပို့ရမယ့် ရေနံစိမ်းက တစ်စည်ကို ၉၉ ဆင့် မြင့် မားကာ ၈၃ ဒသမ ၃၇ ဒေါ်လာအထိ မြင့်မားခဲ့ပြီး ဆစ်ဒနီ စံတော်ချိန် ညနေ ၅း၁၉ နာရီမှာ တစ်စည်ကို ၈၃ ဒသမ ၅၃ ဒေါ်လာနဲ့ အရောင်းအဝယ်ဖြစ်ခဲ့ကြောင်း၊ နိုဝင်ဘာလအရောက်ပို့ရမယ့် ဘရန့်အမျိုးအစား ရေနံစိမ်းကလည်း တစ်စည်ကို ၁၈ ဆင့်မြင့်မားကာ ၁၀၆ ဒသမ ၀၆ ဒေါ်လာနဲ့ လန်ဒန်အခြေ စိုက် ICE Futures Europe Exchange  မှာ အရောင်းအဝယ်ဖြစ်ခဲ့ ကြောင်း သိရတယ်။                   ရေနံထုတ်လုပ်သူတွေနဲ့ သုံးစွဲသူ တွေအနေနဲ့ လက်ရှိ ရေနံစိမ်းဈေးနှုန်း အပေါ် စိတ်ကျေနပ်မှုရှိနေကြောင်း OPEC  အဖွဲ့မှ အီရန်နိုင်ငံဆိုင်ရာ ကိုယ်စားလှယ် Mohammad Ali Khatibi  က ပြောကြားထားမှုကို အီရန် ရေနံဝန်ကြီးဌာန Website  မှာ ဖော်ပြထားတယ်လို့ သိရတယ်။ လောလော ဆယ် ကမ္ဘာ့ရေနံဈေးကွက်မှာ ရောင်း လိုအား ပိုလျှံမှုမရှိကြောင်း၊ ဆော်ဒီအာ ရေးဗီးယားနိုင်ငံက မကြာသေးမီလတွေ ကဖြစ်ပေါ်နေတဲ့ မတည်ငြိမ်တဲ့ ရေနံ စိမ်းဝယ်လိုအားနဲ့ ကိုက်ညီတဲ့ ထုတ်လုပ်မှုကို ချင့်ချိန်နေဆဲဖြစ်ကြောင်း ဆော်ဒီရေနံဝန်ကြီး Ali Al-Naimi  က အောက်တိုဘာ ၈ ရက်မှာ ပြောကြားခဲ့ ပါတယ်။ Source:Bloomberg.com,  ပပ