တရုတ်ပြည်တွင်းမှာ အသားထုတ်လုပ်မှုက ကောင်းမွန်မယ်လို့ ခန့်မှန်း ထားပေမဲ့လည်း ၂၀၁၂ခုနှစ်မှာ တရုတ် ရဲ့ ဝက်သားတင်သွင်းမှုက ၈ ရာခိုင်နှုန်း တိုးတက်ကာ တန်ချိန် ၄၈၀၀၀၀ ကို ရောက်ရှိနိုင်ကြောင်း အမေရိကန်လယ် ယာစိုက်ပျိုးရေးဌာနက ခန့်မှန်းလိုက် တယ်။ တရုတ်အာဏာပိုင်တွေက ဝက် သားက လူမှုရေးတည်ငြိမ်ရေးအတွက် အရေးပါတာကြောင့် ဝက်သားဈေးနှုန်း တွေ ခုန်တက်ခြင်းမှ သက်သာစေနိုင်ဖို့နဲ့ တင်သွင်းမှုတန်ဖိုး ကန်ဒေါ်လာ ၁ ဒသမ ၅ ဘီလီယံ လျှော့ချနိုင်ရေး အတွက် ထောက်ပံ့ကြေးတွေပေးကာ အားထုတ်လုပ်ဆောင်လျက်ရှိတယ်။ တိရစ္ဆာန်စာဖြစ်တဲ့ ပြောင်းဈေးနှုန်း တွေ မြင့်တက်လာမှုကြောင့် ကုန်ကျ စရိတ်တွေကြီးမြင့်မှု၊ အလုပ်သမား မြင့် မားလာမှုနဲ့ ရောဂါကျရောက်မှုတို့က ဝက်မွေးမြူသူတွေကို တိုးချဲ့မွေးမြူရေး ကိုနှောင့်နှေးစေခဲ့တယ်။ ဝက်သားထုတ် လုပ်တဲ့လုပ်ငန်း အသေးစားတွေက အနာဂတ်မှာ ရောင်းလိုအား ပိုလျှံမှုနဲ့ ဈေးနှုန်းနိမ့်ကျသွားမှာကို စိုးရိမ်လျက်ရှိတယ်။ အသားစားသုံးမှု မြင့်တက်လာခြင်း အဓိကမှာ ဝက်သားစားသုံးမှုမြင့်တက် လာခြင်းက ကမ္ဘာ့ကောက်ပဲသီးနှံဈေး ကွက်နဲ့ အသားဈေးကွက်ကို အဓိက မောင်းနှင်အားပဲဖြစ်တယ်။ တရုတ်နိုင်ငံ ရဲ့ ဝက်သား စားသုံးမှုက ယခုနှစ်မှာ တန်ချိန် ၄၉ ဒသမ ၇ သန်းစားသုံးမှုမှ ၂၀၁၂ ခုနှစ်မှာ ၄ ရာခိုင်နှုန်း တိုးတက် ကာ တန်ချိန် ၅၁ ဒသမ ၅ သန်းကို ရောက်ရှိနိုင်ကြောင်းခန့်မှန်းထားတယ်။ တရုတ်ရဲ့ ဝက်သားထုတ်လုပ်မှုက တိုးတက်ကောင်းမွန်လာမယ်လိ့ု ခန့်မှန်း ထားပေမဲ့လည်း ဝက်သားစားသုံးမှုတိုး တက်လာခြင်းနဲ့ သွင်းကုန်ဈေးနှုန်းချို သာမှုတို့ကြောင့် တရုတ်က ဝက်သား တင်သွင်းမှု ဆက်လက်မြင့်မားနိုင် ကြောင်း အမေရိကန်ပြည်ထောင်စု လယ်ယာစိုက်ပျိုးရေးဌာန အစီရင်ခံစာ အရ သိရှိရပါတယ်။ ှSource: agriculture.com, အေးမွန်မွန်လှိုင်
Background