မုံရွာကုန်စည်ဒိုင် အောက်တိုဘာတတိယပတ် ပဲစင်းငုံနီဈေးကွက်အနေနဲ့ Export ဝယ်လက်မရှိသလို ဒေသတွင်းအဝယ်လည်း အေးသွားခဲ့လို့ အရောင်း အဝယ်မဖြစ်သလောက် ပါးခဲ့တယ်လို့ဆိုပါတယ်။ ယခင်ရန်ကုန်နဲ့ ပခုက္ကူအတွက် ဒေသခံဝယ်လက်ကုန်သည်တွေက ပဲစင်းငုံနီအဟောင်းမှာ အရည်အသွေးမမှန်လို့ အဝယ် ခပ်အေးအေးဖြစ်ခဲ့တဲ့အတွက် ယခုတစ်ပတ်မှာ တစ်တင်း ၁၂၃၀၀ ကျပ်ထိ ဈေးကျဆင်းသွားခဲ့တာ တွေ့ရပါတယ်။ ကုန်သည်အချင်းချင်း မိတ်မပျက် အရောင်း အဝယ်ဖြစ်ခဲ့လို့ မုံရွာကုန်စည်ဒိုင်မှာ တစ်ရက်အိတ် ၂၀၀ မှ ၅၀၀ အတွင်းသာ ရှိခဲ့တယ်လို့ ဈေးကွက်ကသိရပါတယ်။ ယခုတစ်ပတ်အတွင်း စီးဆင်းမှုအနေနဲ့ မန္တလေးကို တင်း ၁၂၀၀၊ ရန်ကုန်ကို တင်း ၁၀၀၀ သာ ရှိခဲ့တယ်လို့ သိရပါတယ်။ ထွန်းလှိုင်
Background