ကမ္ဘာ့အကြီးဆုံးရော်ဘာထုတ်လုပ်သူဖြစ်တဲ့ ထိုင်းနိုင်ငံမှာ ရေကြီးမှုကြောင့် ကုန်ပစ္စည်းများကို ဆိပ်ကမ်းနဲ့ စက်ရုံတွေကို ပို့ဆောင်ဖို့အတွက် သယ်ယူပို့ဆောင်ရေး အခက်အခဲရှိတာကြောင့် တိုကျိုကုန်စည်ဒိုင်မှာ ရော်ဘာအလားအလာက ယခု တစ်ပတ်အတွင်း အကောင်းဘက်ကိုရောက်လာကြောင်း သိရပါတယ်။ ထိုင်းနိုင်ငံရဲ့ ရေကြီးမှုဟာ ရော်ဘာဖြန့်ဝေမှုအတွက် အဟန့်အတားဖြစ်နိုင်ဖွယ်ရှိကြောင်း စင်္ကာပူရှိ Phillip Futureukr ကုမ္ပဏီမှ သုတေသီက ပြောကြားခဲ့ပါတယ်။ တကယ်လို့ ရေကြီးမှုဟာ ရော်ဘာအဓိကစိုက်ပျိုးတဲ့ဒေသဖြစ်တဲ့ တောင်ပိုင်းဒေသအထိ ပြန့်နှံ့ခဲ့ရင် ထိခိုက်မှုရှိနိုင်ပြီး တိုကျိုကုန်စည်ဒိုင်ရဲ့ မတ်လအတွက် ရော်ဘာဈေးနှုန်းက ၁ ဒသမ ၆ ရာခိုင်နှုန်းမြင့်တက်ကာ တစ်ကီလိုကို (၃၂၂) ယန်း အထိ ရောက်ရှိခဲ့ကြောင်း သိရပါတယ်။ အာရှရဲ့ ရော်ဘာဈေးနှုန်းက TOCOM ရဲ့ ရော်ဘာစာချုပ်များပေါ်မှာ လွှမ်းမိုးနေပြီး ရေနံနှင့် အခြားကုန်ပစ္စည်းများပေါ်မှာလည်း အလားတူသက်ရောက်မှုရှိကြောင်း သိရပါတယ်။ Source: Reuters,KZW
Background