ပြင်ပငွေကြေးဈေးကွက်တွင် ဒေါ်လာ အရောင်းအဝယ်များ ပြန်လည် အသက်ဝင်လျက်ရှိ

                  နိုင်ငံခြားငွေ လဲလှယ်သည့်စင်တာများ ထပ်မံဖွင့်လှစ်လိုက်သော်လည်း အကန့်အသတ်များရှိနေခြင်းကြောင့် ပြင်ပငွေဈေးကွက်မှာ ပြန်လည်ရှင်သန် လျက်ရှိကြောင်း သိရသည်။ အောက် တိုဘာလ ၂၄ ရက်က ငွေလဲလှယ်ရေး စင်တာများတွင် အမေရိကန် တစ်ဒေါ်လာလျှင် ရောင်းဈေး ၈၀၇ ကျပ်ရှိခဲ့ပြီး ဝယ်ဈေးမှာ ၈၀၀ကျပ်ရှိခဲ့သည်။ ထိုဈေးမှာ အောက်တိုဘာ ၂၇ ရက်အထိ တည်ငြိမ်ခဲ့ပြီး အောက်တိုဘာလ ၂၈ ရက်တွင် ၈၀၂ကျပ်သို့ ကျဆင်းခဲ့သည်။                                ထိုနေ့ဝယ်ဈေးမှာ ၇၉၅ ကျပ်ရှိခဲ့ကြောင်းသိရသည်။ ငွေလဲစင်တာများ တွင်လည်း ယခင်ကကဲ့သို့ပင် အကန့် အသတ်များရှိနေသေးကြောင်း သိရ သည်။ ထို့ပြင် မကြာခင်ကမှ ဖွင့်လှစ် ခဲ့သည့် ပုဂ္ဂလိကဘဏ်များတွင်လည်း ငွေလဲ စင်တာများထပ်မံဖွင့်လှစ်ခဲ့သော်လည်း ထိုအကန့်အသတ်များကြောင့် ပင် ငွေလဲလှယ်သူများမှာ စင်တာများ တွင် လဲရသည်ထက် ပြင်ပမှောင်ခိုဈေး ကွက်တွင်သာ အရောင်းအဝယ်လုပ်နေ ကြကြောင်း ဒေါ်လာပွဲစားတစ်ဦး၏ ပြောပြချက်အရ သိရသည်။                 " အခုဆိုရင် မကြာခင်ကမှ ဖွင့်လိုက် တဲ့ ပုဂ္ဂလိကဘဏ်တွေမှာတောင် ငွေ လဲကောင်တာတွေဖွင့်ပြီး လုပ်နေကြ ပြီ။ ဒါပေမယ့် သူတို့ဆီမှာက အကန့် အသတ်တွေကများသား၊ အဲဒီအကန့် အသတ်တွေကို ဖယ်လိုက်ရင်တော့ ငွေလဲသူတွေ သူတို့ဆီမှာ ပိုများလာမယ်လို့ ထင်တယ်။ အခုတော့ ကျွန်တော်တို့ ဆီကိုပဲ ပြန်ရောက်လာကြတာ။ ဒီမှာက ငွေလဲရင် နွမ်းနေရင်လည်း ယူတယ်။ ဈေးကတော့ ကွာတာပေါ့။ လဲတဲ့သူက အဲဒီဈေးကွာတာကို မကြည့်တော့ဘူး။ မြန်တာနဲ့ စကားမပြောရတာကိုပဲ ကြည့်တော့တာ။ ကျွန်တော်တို့ဆီမှာ ကတော့ ရော့ပတ္တမြား၊ ရော့နဂါးပဲ။ ဘာမှစကားပြောနေစရာမလိုဘူး။ ဒီနေ့ ဒီဈေးပေါက်တယ်။ ရောင်းမလား။ ဝယ် မလား။ ဒါပဲ။ ရောင်းတဲ့သူကတော့ သေချာဖို့လိုတာပေါ့။ ငွေပြည့် မပြည့်ဆို တာက လူလယ်တွေ လုပ်စားနေကြ တာ။ ဒီနားမှာက ဒီလိုပဲ လုပ်စားနေကြ တဲ့သူတွေရှိတော့ အမှန်အကန်လုပ်တဲ့ သူတွေ နာမည်ပျက်ရတာပေါ့" ဟု ဒေါ်လာပွဲစားတစ်ဦးက ပြောသည်။                     ပို့ကုန်ဝင်ငွေ (Export Earning ) ဈေးကွက်သည် ယခုတစ်ပတ်အတွင်း ပြောင်းလဲမှုမရှိဘဲ တည်ငြိမ်လျက်ရှိ သည်ကို တွေ့ရသည်။ Export Earning သည် ပြီးခဲ့သည့် အောက်တိုဘာ ၂၄ ရက်က ၈၂၀ ကျပ် ဈေးပေါက်ခဲ့ပြီး အောက်တိုဘာ ၂၈ရက်  Export Earning ဈေးကွက်ပိတ်ချိန်တွင်လည်း ၈၂၀ ကျပ်ဖြင့်သာ ပိတ်သိမ်းခဲ့သည်ကိုတွေ့ရ သည်။ ထိုကဲ့သို့ဖြစ်ရသည်မှာ ယခုရက် ပိုင်းအတွင်း ကားတင်သွင်းမှုများနှင့်ပတ် သက်သည့်သတင်းများ ပြည်သူများ ကြားတွင် အမျိုးမျိုး ဖြစ်ပေါ်နေမှု ကြောင့်ဖြစ်ရကြောင်း Export Earning ဈေးကွက် သုံးသပ်သူတစ်ဦး၏ ပြောပြချက်အရ သိရသည်။ MTD, KM2O