ရေကြီး၍ ထိုင်းကားထုတ်လုပ်မှု လျော့ကျသည့် အကျိုးဆက်ကြောင့် ရော်ဘာဈေးကျနိုင်

                 အီးယူဒေသ ကြွေးမြီပြဿနာကို ကယ်ဆယ်မဲ့နည်းလမ်းအပေါ် ပြင်သစ်နဲ့ဂျာမနီ သဘောထားကွဲလွဲ နေခြင်းနဲ့ ထိုင်းမှာ ရေကြီးပြီး ကားထုတ်လုပ်မှုလျော့ကျခြင်းတို့ကြောင့် ရော်ဘာဝယ်လိုအားလျော့ကျမယ် ခန့်မှန်းကြရာဈေးနှုန်း တွေလည်း ကျဆင်းသွားတယ်။ ထိုင်းနိုင်ငံမှာ ရေကြီးမှုကြောင့်  Honda Motor Co. နဲ့ Toyota Motor Corp. အပါအဝင် ကားကုမ္ပဏီ ၉ ခုတို့ရဲ့ ကားထုတ်လုပ်မှုကို ရပ်ဆိုင်းထားရပြီး တစ်နေ့ကို ကားအစီးရေ ၆၀၀၀ ထုတ်လုပ်မှု လျော့ကျကြောင်း သိရတယ်။                  ဒါကြောင့် ဂျပန်ရှိ တိုကျိုကုန်စည် ရောင်းဝယ်ရေးမှာ မတ်လအရောက်ပို့ရမယ့်ရော်ဘာက တစ်ကီလိုကို ၂၈၁ ဒသမ ၅ ယန်း (တစ်တန်ကို ၃၆၆၉ ဒေါ်လာ) အထိ ကျဆင်းသွားရာ ၂၀၁၀ သြဂုတ်လနောက်ပိုင်း အနိမ့်ဆုံးနှုန်း ဖြစ်လာကြောင်း၊ ရှန်ဟိုင်းမှာလည်း ဇန်နဝါရီလ အရောက်ပို့ရမယ့် ရော်ဘာက တစ်တန်ကို ၃၉၈၅ ဒေါ်လာ အထိ ရောက်ရှိသွားခဲ့ကြောင်း သိရတယ်။                     အီးယူဒေသက တရုတ်နိုင်ငံပြီးရင် ကမ္ဘာမှာ ဒုတိယမြောက်ရော်ဘာသုံးစွဲမှု အများဆုံးနိုင်ငံဖြစ်ပြီး ယခင်နှစ်က ရော်ဘာတန်ချိန် စုစုပေါင်း ၁ ဒသမ ၁ သန်းသုံးစွဲခဲ့တယ်လို့ စင်ကာပူအခြေစိုက် နိုင်ငံတကာ ရော်ဘာလေ့လာရေး အဖွဲ့က ပြောကြားပါတယ်။ ပပ၊Source:Bloomberg.com