ပုံမှန်အားဖြင့် ပဲတီစိမ်းကို ပင်လယ်ရေကြောင်းက တင်ပို့မှု တန်ချိန် ၂၀၀၀ အထက်မှာရှိနေခဲ့ရာမှ ယခုတစ်ပတ် အောက် တိုဘာနောက်ဆုံးပတ်အတွင်းမှာတော့ တန်ချိန် ၁၅၀၀ အောက်ကို လျှော့ကျတင်ပို့ ခဲ့ပါတယ်။ အိန္ဒိယပြည်တွင်းမှာ ပဲတီစိမ်းအသစ်တွေ ဝင်ရောက်နေတဲ့အပြင် အရည်အသွေးနိမ့်ပဲများလည်း လျှော့ရောင်းနေတဲ့အတွက် ပြည်ပက အဝယ် နှေးတဲ့အတွက် ယခုလအတွင်းတင်ပို့မှု လျှော့ကျနေပါတယ်။ လက်ရှိဘဏ္ဍာနှစ် အောက်တိုဘာလ ၂၈ ရက်နေ့အထိ ပဲတီစိမ်းစုစုပေါင်း တင်ပို့ပြီးစီးမှုဟာ တန်ချိန် ၂၀၃၀၀၀ ခန့် ရှိပြီးဝင်ငွေအားဖြင့် ကန်ဒေါ်လာ ၁၉၇ သန်းခန့် ရရှိထားပါတယ်။ ယခင်ဘဏ္ဍာနှစ် ကာလတူ အတွင်းမှာ တန်ချိန် ၁၄၈၀၀၀ ခန့်နဲ့ ကန်ဒေါ်လာ ၁၇၆ သန်းကျော်ရရှိခဲ့လို့ ယခုနှစ်မှာ တင်ပို့မှုပမာဏ ပိုမိုနေတာတွေ့ရပါတယ်။ လာမယ့် သီတင်းပတ်များ မှာလည်း ပဲတီစိမ်းတင်ပို့မှု အနည်းငယ်လျော့ကျဖွယ်ရှိတယ်လို့ ခန့်မှန်းကြပါတယ်။ MIRT-MAPT
Background