ရန်ကုန် FOB အရောင်းအဝယ် ယခင်တစ်ပတ်ထက်ပိုဖြစ်

                     ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ယခင်တစ်ပတ်က တန်ချိန် ၁၂၀၀ ခန့်သာ အရောင်း အဝယ်ဖြစ်ခဲ့ရာမှ ယခုတစ်ပတ်မှာတော့ ပဲတီစိမ်း၊ ပဲတီရွှေဝါ တန်ချိန် ၄၉၀၀ ခန့် အရောင်းအဝယ်စာချုပ်နိုင်ခဲ့တယ်လို့ သိရပါတယ်။ အိန္ဒိယပြည်တွင်းဈေးကွက်တွေမှာ ပဲအသစ်တွေ ဈေးကွက်ထဲ ဝင်ရောက်နေပေမဲ့ အရည်အသွေးနိမ့်ပဲများပြီး အရည်အသွေးကောင်းပဲ ရရှိမှုနည်းတယ်လို့ သိရပါတယ်။ လာမယ့်သီတင်းပတ်တွေမှာ ပြည်တွင်းအချို့ဒေသက ပဲအသစ်များ ဈေးကွက်ထဲ ဝင်လာတော့မှာဖြစ်လို့ အရောင်းအဝယ်ပိုဖြစ်နိုင်တယ်လို့ ခန့်မှန်းကြပါတယ်။                 ရန်ကုန် FOB ဈေးအနေနဲ့ ယခင်သီတင်းပတ်အတိုင်း နိုဝင်ဘာလ ၄ ရက်နေ့မှာလည်း FAQ (အညာ) တစ်တန် ကန်ဒေါ်လာ ၇၂၀-၇၄၀၊ ပခုက္ကူတစ်တန်ကန်ဒေါ်လာ ၇၄၀-၇၆၀ နဲ့ ပဲတီရွှေဝါအကြီး တစ်တန် ကန်ဒေါ်လာ ၈၈၀-၉၀၀ အသီးသီးရှိကြောင်း သိရပါတယ်။ MIRT-MAPT