ရေနံဈေးကျဆင်း၊ ကားအရောင်းကျဆင်းနဲ့ ဥရောပအကျပ်အတည်းကြောင့် ရော်ဘာကဏ္ဍထိခိုက်

                     ဥရောပကြွေးမြီးပြဿနာ၊တရုတ်ရဲ့ မော်တော်ကားထုတ်လုပ်မှုနှုန်းနဲ့ အမေရိကန် ဈေးကွက် အထိနာနေတဲ့အကြောင်း များကြောင့် တိုကျိုကုန်စည်ဒိုင် (TOCOM)  မှာ ရော်ဘာရဲ့အလား အလာ ကျဆင်းနေဆဲဖြစ်ပါတယ်။ (TOCOM) မှာ ဧပြီလအတွက် စာချုပ်  ဈေးနှုန်းက ၄ ဒသမ ၈ ရာခိုင်နှုန်း ကျဆင်းပြီး အနီးဆုံးနိုဝင်ဘာလ ဈေးနှုန်းက ၆ ရာခိုင်နှုန်း ကျဆင်းကြောင်း သိရပါတယ်။ အိန္ဒိယကုန်စည်ဒိုင်  NMCE မှာတော့ နိုဝင်ဘာလအတွက် စာချုပ် ဈေးနှုန်းက ၁ ဒသမ ၂၉ ရာခိုင်နှုန်း ကျဆင်းကြောင်းသိရပါတယ်။ ရေနံဈေး နှုန်းကျခြင်း၊ စီးပွားရေးတိုးတက်မှုကို ထိခိုက်စေတဲ့ ဥရောပကြွေးမြီးပြဿနာနဲ့ အာရှမှာ ကုန်ပစ္စည်းတွေ ဝယ်လိုအား ကျဆင်းခြင်း၊ အိန္ဒိယမှာ မောင်တော်ကားရောင်းရနှုန်းတွေကျဆင်းခြင်းတွေ က ရော်ဘာဈေးနှုန်းကို ကျဆင်းစေတဲ့ အကြောင်းများပဲဖြစ်ပါတယ်။ အရှေ့မြောက်ဒေသမှာ မုတ်သုံမိုး မပြတ်ရွာ သွန်းခြင်းကလည်း အနုတ်သဘော ဆောင်တဲ့ ပြယုဂ်တစ်ခုဖြစ်ပါတယ်။                     ဟွန်ဒိုင်းကုမ္ပဏီက အောက်တိုဘာလ အတွင်း အရောင်း ၅ ရာခိုင်နှုန်းကျဆင်း ပြီး မာရုတိကုမ္ပဏီက အရောင်း ၅၂ ရာခိုင်နှုန်းကျဆင်းကြောင်းသိရပါတယ်။ အခြားကားထုတ်လုပ်ရေးတွေဖြစ်တဲ့ တာတာနဲ့အမ်အမ်ကုမ္ပဏီ တွေကတော့ လက်ကားအရောင်းနှုန်း ကျမသွားအောင် ထိန်းထားနိုင်ကြောင်း သိရပါ တယ်။အမေရိကန်ရဲ့ အောက်တိုဘာလ ကားရောင်းချနှုန်းကတော့ သက်တမ်း ကြာ မော်တော်ယာဉ်တွေနေရာမှာ အစားထိုးသုံးစွဲခြင်းနဲ့ တိုယိုတာ၊ ဟွန်ဒါနဲ့ ထရပ်ကားအမျိုးအစားများကို ရွေး ချယ်သုံးစွဲခြင်းများကြောင့် ရှစ်လ အတွင်း အမြင့်ဆုံးနှုန်းနဲ့ ရောင်းချရခဲ့ တယ်လို့ သိရပါတယ်။ Source:Commodity online KZW