ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ယခုတစ်ပတ် တောင်ငူပဲတီစိမ်းသစ်နဲ့ ပခုက္ကူ ပဲတီစိမ်းအချို့ အရောင်းအဝယ်ဖြစ်တယ်လို့ သိရပါတယ်။ ယခင်တစ်ပတ်က တန်ချိန် ၄၉၀၀ ခန့် အရောင်းအဝယ်ဖြစ်ခဲ့ရာမှ ယခုတစ်ပတ်(နိုဝင်ဘာလ၄ ရက်မှ ၁၁ ရက်)အတွင်းမှာတန်ချိန် ၄၆၀၀ခန့်အရောင်းအဝယ် စာချုပ်နိုင်တယ်လို့ သိရပါတယ်။ အိန္ဒိယဈေးကွက်တွေကို ဝင်လာတဲ့ ပဲတီစိမ်းအသစ်များမှာ အရည်အသွေးနိမ့်များပြီး အရည်အသွေးကောင်း နည်းတဲ့ အတွက် ဝယ်လက်များအနေနဲ့ အရည်အသွေးကောင်းပဲတီစိမ်းကို ဝယ်ယူလာဖွယ် ရှိကြောင်း ကုန်သည်များမှ ခန့်မှန်းကြ ပါတယ်။ ရန်ကုန် FOB ဈေးအနေနဲ့ ပြောင်းလဲမှုမရှိဘဲ FAQ (အညာ) တစ်တန် ကန်ဒေါ်လာ ၇၂၀-၇၄၀၊ ပခုက္ကူ တစ်တန် ကန်ဒေါ်လာ ၇၄၀-၇၆၀ နဲ့ ပဲတီရွှေဝါအကြီး တစ်တန် ကန်ဒေါ်လာ ၈၈၀-၉၀၀ နဲ့ ငြိမ်နေကြောင်း သိရပါတယ်။ MIRT(MAPT)
Background