မူဆယ် ၁၀၅ မိုင် ကုန်သွယ်ရေးဇုန်မှ ကန်ဒေါ်လာ သုည ဒသမ ၅၆၂ သန်း တန်ဖိုးရှိ အရိုးလွတ် အေးခဲကျွဲသားနဲ့ အမဲသား တန် ၁၇၀ ကျော်ကို နိုဝင်ဘာလ ၂ ရက်မှ ၈ ရက်ထိ ကာလအတွင်း တရုတ်သို့ တင်ပို့နိုင်ခဲ့ပါတယ်။ ဒါ့အပြင် ကန်ဒေါ်လာ သုည ဒသမ ၇၇၉ သန်း တန်ဖိုးရှိ အေးခဲအမဲသားနဲ့ အမဲသားခြောက် ၁၅၆ တန်ခန့်၊ ကန်ဒေါ်လာ သုည ဒသမ ၆၂၃ သန်း တန်ဖိုးရှိ အေးခဲအမဲသား ၁၆၇ တန်ခန့်နဲ့ ကန်ဒေါ်လာ သုည ဒသမ ၆၅၂ သန်းတန်ဖိုးရှိ အရိုးလွတ် အေးခဲကျွဲသား/အမဲသား ၁၇၀ ဒသမ ၄ တန် အပို့ရှိခဲ့တာဖြစ်ပါတယ်။ ယခုအပတ်မှာ ချင်းရွှေဟော်မှ ကန်ဒေါ်လာ သုည ဒသမ ၅၈၃ သန်း တန်ဖိုးရှိ အေးခဲအမဲသား ၁၇၇ တန်ခန့်လည်း အပို့ရှိခဲ့တယ်လို့ သိရပါတယ်။ယခင်အပတ်က မူဆယ် နယ်စပ်မှ အပို့မရှိခဲ့တဲ့ အရိုးလွတ်(အေးခဲ/ ကျွဲသား) ကိုယခုအပတ်မှာ အပို့ရှိခဲ့ပြီး ကျန်ပို့ကုန်များမှာ လျော့နည်းလျက် ရှိပါတယ်။ ၂၀၁၁ ခုနှစ် အောက်တိုဘာလအတွင်း နယ်စပ်မှ တိရစ္ဆာန်နဲ့ တိရစ္ဆာန်ထွက်ပစ္စည်းများ တင်ပို့နိုင်မှုကတော့ အေးခဲအမဲသား ၂၈၆၂ တန်ကျော်၊ ကျွဲသား ၄၂၇ တန်၊ သားရေတန် ၁၈၀ ၊ အမဲသားခြောက် တန် ၁၂၀ ခန့်၊ အမဲပြုတ်သား ၁၅ တန် ၊အစာရေချို/ဝမ်းတွင်းသား စသည့် ၃၄၅ နဲ့အမဲ အကြော ၄ တန် အသီးသီးဖြစ်ပါသည်။ MIRT(DOBT)
Background