မြန်မာ- တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်မှ ကန်ဒေါ်လာ သုည ဒသမ ၈၉၈ သန်းတန်ဖိုးရှိ ပရဆေးကုန်ကြမ်းတန် ၂၇၀ ကျော် နိုဝင်ဘာလ ၂ ရက်မှ ၈ ရက်ထိကာလအတွင်း အပို့ရှိခဲ့ပြီး ယခင်အပတ်ကထက် တန် ၁၀၀ ကျော် တင်ပို့မှု လျော့နည်းခဲ့ပါတယ်။ ယခုအပတ် မူဆယ်နယ်စပ်မှ တင်ပို့တဲ့ ပရဆေးကုန်ကြမ်းတွေကတော့ ဇီးဆံ၊ ကြောင်လျှာစေ့၊ သီဟိုဠ်စေ့ (အခွံမပါ)၊ ကြောင်ပန်းစေ့၊ ချဉ်ပေါင်ဖာလာ (အခွံပါ)၊ ချဉ်ပေါင်ဖာလာ (အခွံမပါ)၊ တောချင်း၊ မိကျောင်းကွမ်းဖတ်စေ့၊ စကားပန်းပွင့်ခြောက်၊ တောဂျူးမြစ်၊ ရွေးရွက်၊ အုံတုံခေါက်၊ ရှားစေး၊ ဒရင်ကောက် မြစ်၊ ခပေါင်းစေ့နဲ့ ဆေးမြင်းခွါတို့ ဖြစ်ပါတယ်။ ခပေါင်းစေ့နဲ့ ကြောင်လျှာစေ့များကို ယခင်အပတ်က တင်ပို့ခဲ့ခြင်း မရှိပါဘူး။ တောချင်း၊ မိကျောင်းကွမ်းဖတ်စေ့၊ ရှားစေးနဲ့ အုံတုံ ခေါက်တင်ပို့မှု ယခင်အပတ်ကထက် ပိုမိုခဲ့သော်လည်း ကျန်အမယ်များ တင်ပို့မှု သိသိသာသာလျော့နည်းခဲ့တာ တွေ့ရပါ တယ်။ တမူးနယ်စပ်မှာတော့ ယခင်အပတ်က ပရဆေးကုန် ကြမ်း အသွင်းမရှိပေမဲ့ ယခုအပတ်မှာ ကန်ဒေါ်လာ ၀ ဒသမ ၀၂၃ သန်း တန်ဖိုးရှိ ဇာတိပ္ဖိုလ်သီး ၂ တန်ကျော်နဲ့ ရှိန်းခို ၁ ဒသမ ၈ တန် အသွင်းရှိခဲ့ပါတယ်။ အောက်တိုဘာလအတွင်း မူဆယ်မှ ပရဆေးကုန်ကြမ်း တန် ၂၁၀၀ နီးပါးအပို့ရှိပြီး တမူးမှ ပရဆေးကုန်ကြမ်း ၈ တန်ကျော် အသွင်းရှိခဲ့ပါတယ်။ MIRT(DOBT)
Background