ဒီတစ်ပတ်မှာတော့ အမေရိကန် ဒေါ်လာဈေးကွက်ဟာ တလှုပ်လှုပ်နဲ့ အနည်းငယ်တက်လာခဲ့တာကို တွေ့ရပါတယ်။ ပွင့်လင်းရာသီကို ရောက်လာ တဲ့အပြင် ဗုဒ္ဓဂါယာဘုရားဖူးတွေ ခရီး သွားများလာတာကြောင့် ငွေဈေး အနည်းငယ်တက်သွားရတာ ဖြစ်တယ် လို့ သိရပါတယ်။ ပြီးခဲ့တဲ့ သီတင်းပတ်အတွင်းက ပိတ်ရက်တွေများတဲ့အတွက် အမေရိ ကန်ဒေါ်လာဈေးကွက်ဟာ အရောင်းအဝယ် မဆိုစလောက်သာရှိခဲ့ပြီး အေး ဆေးတည်ငြိမ်ခဲ့တာကို တွေ့ရပါတယ်။ နိုဝင်ဘာလ ၁၄ ရက်နဲ့ ၁၅ ရက်တို့မှာ အမေရိကန်ဒေါ်လာဈေးဟာ ရောင်း ဈေးမှာ ၇၈၂ ကျပ်နဲ့ ငြိမ်ချက်သား ကောင်းနေပေမယ့် ဝယ်ဈေးမှာတော့ နိုဝင်ဘာ ၁၄ရက်မှာ ၇၇၅ ကျပ်ရှိပြီး နိုဝင်ဘာ ၁၅ ရက်မှာ ၇၇၈ ကျပ်ကို တက်သွားခဲ့တာကို တွေ့ရပါတယ်။ အဲဒီနောက်ပိုင်း နိုဝင်ဘာ ၁၆ ရက်မှစပြီး အမေရိကန်ဒေါ်လာဈေး ဟာ ၇၈၅ ကျပ်သို့ တက်သွားခဲ့ရာက နိုဝင်ဘာ ၁၈ရက်မှာတော့ ၇၉၂ ကျပ် အထိ တက်သွားခဲ့တာကို တွေ့ရပါတယ်။ ယခုတစ်ပတ်မှာတော့ အမေရိကန် ဒေါ်လာဈေးဟာ လေးရက်အတွင်းမှာ ၁၀ ကျပ် တက်လာခဲ့တာဟာ ပွင့်လင်းရာသီကိုရောက်လာတဲ့အတွက် နိုင်ငံ ခြားသို့ အလည်အပတ် သွားရောက် မည့်သူတွေ များပြားလာခြင်း၊ ဗုဒ္ဓဂါယာ ဘုရားဖူးရန် သွားရောက်မည့်သူများ များပြားလာခြင်းတို့ကြောင့် ဖြစ်ရ ကြောင်း ဒေါ်လာပွဲစားတစ်ဦးက သုံး သပ်ပြခဲ့ပါတယ်။ " ကျွန်တော်တို့ အခုဒီတစ်ပတ်မှာ အပြင်ပေါက်ဈေးဆိုရင် ၇၉၃ ကျပ် အထိတက်ခဲ့တာ။ ပြီးခဲ့တဲ့အပတ်တုန်း က ၇၇၃ ကျပ်ပဲ ရှိတာလေ။ ဒီတစ်ပတ်မှာ အပြင်မှာ အဝယ်လိုက်နေတာ။ ဒီအချိန်ဆိုရင် ဘုရားဖူးတဲ့အဖွဲ့တွေ များလာသလို နိုင်ငံခြားကို အလည် အပတ်ထွက်တဲ့သူတွေလည်း များလာ တတ်လို့ဈေးက နည်းနည်းတက်သွား ရတာပါ။ နောက်ပြီး ပို့ကုန်ဝင်ငွေဈေးနှုန်းကိုလည်း ဖျက်မယ်လို့ ကြား နေတော့ ဒီငွေဈေးကွက်က ဘာဖြစ်ဦး မလဲဆိုတာ စောင့်ကြည့်နေကြတာ။ ဒီနေရာမှာကတော့ နေ့တိုင်းလိုလို အရောင်းအဝယ်က ဖြစ်နေတာပဲလေ" လို့ ဒေါ်လာပွဲစားတစ်ဦးက သုံးသပ်ပြခဲ့ပါတယ်။ ပြင်ပ အမေရိကန်ဒေါ်လာဈေးနှုန်း မှာ ယခုတစ်ပတ်အတွင်း အတက်ဘက် သို့ ဦးတည်နေတာကို တွေ့ရပါတယ်။ နိုဝင်ဘာ ၁၄ရက်က ပြင်ပပေါက်ဈေး မှာ ၇၇၈ ကျပ်ရှိပြီး နေ့စဉ်တက်လာခဲ့ ရာ နိုဝင်ဘာ ၁၈ ရက်မှာ ၇၉၃ကျပ်အထိ မြင့်တက်လာခဲ့ကြောင်း သိရပါတယ်။ ထို့အတူ အက်ဖ်အီးစီ ဈေးနှုန်းမှာ လည်း နိုဝင်ဘာ ၁၄ရက်က ၇၇၅ကျပ် သာရှိခဲ့ရာမှ နိုဝင်ဘာလ ၁၈ ရက်တွင် ၇၉၀ကျပ်အထိ မြင့်တက်လာခဲ့ကြောင်း သိရပါတယ်။ ပို့ကုန်ဝင်ငွေဈေးနှုန်းမှာလည်း ယခု တစ်ပတ်အတွင်း ၈၂၂ကျပ်မှ ၈၃၃ကျပ် အထိ မြင့်တက်လာခဲ့တာကို တွေ့ရပါတယ်။ အဲဒီလို မြင့်တက်လာရခြင်းမှာအမေရိကန်ဒေါ်လာ ငါးသောင်းနှင့် အထက်ဝင်ငွေရှိတဲ့ ဟိုတယ်၊ မိုတယ်၊ အင်း စတဲ့လုပ်ငန်းရှင်တွေကို နိုင်ငံ ခြားမှကားများ တင်သွင်းခွင့်ပြုမည်ဆို သည့်သတင်းကြောင့် ပို့ကုန်ဝင်ငွေဈေး နှုန်း တက်ရခြင်းဖြစ်ကြောင်း ပို့ကုန် လုပ်ငန်းရှင်တစ်ဦးက သုံးသပ်ပြခဲ့ပါတယ်။ MTD,KM2O
Background