ရှမ်းပြည်နယ်တောင်ပိုင်းက ထွက် တဲ့ရပ်စောက်အင်တောပဲပုပ်၊ လဲချား ပဲပုပ်က နာမည်ကြီး ပဲပုပ်တွေ ဖြစ်ပါ တယ်။ ထွက်ပေါ်ချိန် ကာလကလည်း တိုပြီး စက်တင်ဘာ၊ အောက်တိုဘာ နှစ်လသာ လှိုင်လှိုင်ပေါ်ပါတယ်။ ဒီနှစ် က မိုးများတာကြောင့် အရင်နှစ်က ထက်အထွက်နည်းပြီး၊ အချို့နေရာတွေ မှာဆိုရင် အခင်းလိုက် ပျက်စီးသွားတာ ကြောင့် အထွက်နှုန်း ၄၀ ရာခိုင်နှုန်းခန့် ပျက်စီးသွားတယ်လို့ သိရပါတယ်။ ရပ်စောက်မြို့နယ် အင်တောကျေးရွာက ထွက်တဲ့ ပဲပုပ်ကတော့ အကောင်းဆုံး လို့ ဆိုပါတယ်။ဒီနှစ်ပဲပုပ်အထွက်နှုန်းက နည်းပေမယ့်ပစ္စည်းကောင်းလည်း နည်း တာကြောင့် ဈေးက သိပ်မကောင်းခဲ့ပါဘူး။ အောက်တိုဘာလလယ်မှာစပြီး ဈေးက နည်းနည်းစီတက်လာပါတယ်။ အခု လဆန်းပိုင်းမှာတော့ မူဆယ် ဝယ်လက်တွေ ဝယ်ယူလာတာကြောင့် ပြီးခဲ့တဲ့ လကထက်ဈေးပိုကောင်းလာ ပါတယ်။ လက်ကျန်လည်း နည်းပြီး၊ အဝယ်ရှိလာတာကြောင့် ဒီတစ်ပတ်ပဲ ပုပ်ဈေးက ရပ်စောက်ပဲပုပ်(ထိပ်စ)က တစ်ပိဿာ ၉၇၅ ကျပ်၊ (လတ်စ)က ၉၂၅ ကျပ်နဲ့ (ညံ့စ)က ၈၅၀ ကျပ်ဈေး ရှိပါတယ်။ ပဲပုပ်ဆီကြိတ်တဲ့ ဆီကြိတ်ခ ကတော့ ၇၅၀ ကျပ်ဈေးရှိပြီး၊ ပဲပုပ်ဆီ ကတော့ တစ်ပိဿာ ၂၈၀၀ ကျပ်ဈေး ရှိတယ်လို့ သိရပါတယ်။ ဧဧခိုင်
Background