အိန္ဒိယနနွင်း လက်ငင်းဈေးကွက်များမှာ စပ်မျိုးနနွင်းလက်ချောင်းကို ဝယ်လိုအားရှိလာလို့ တစ်တန် ရူပီး ၃၀၀၀ (ကန်ဒေါ် လာ ၅၈)ခန့် မြင့်တက်ခဲ့ပါတယ်။ဒါပေမယ့်စပ်မျိုးနနွင်းဥကိုတော့ အဝယ်မရှိလို့ တစ်တန် ရူပီး ၁၅၀၀ (ကန်ဒေါ်လာ ၂၉)လျော့ ကျခဲ့တယ်လို့ သိရပါတယ်။ ဒါပေမယ့် ဝယ်လက်များ ဝယ်ယူမှုမှာ အကန့်အသတ်သာရှိတာကြောင့် ဈေးကျဆင်းနိုင်တယ်လို့ ခန့်မှန်းကြပါတယ်။ ယခင်နှစ် နိုဝင်ဘာလကုန်ပိုင်းမှာ နနွင်း ၂ မျိုးလုံး ဈေးမြင့်တက်ခဲ့တဲ့အတွက် နနွင်းတောင်သူများဟာ ယခုနှစ်လည်း မြင့်တက်မယ်လို့ မျှော်မှန်းခဲ့ကြပါတယ်။ ဒါပေမယ့်လည်း နနွင်းဈေးမြင့်တက်ဖွယ်မရှိဘူးလို့ အချို့က ခန့်မှန်းကြပါတယ်။ ယခုနှစ် နနွင်းထွက်ရှိမှုမှ ပိုမိုမယ့်အလားအလာများအရ ဝယ်လိုအားရှိနိုင်ပေမယ့် ဈေးများများ မတက်နိုင်ဘူးလို့ ခန့်မှန်းခြင်း ဖြစ်ပါတယ်။ လှောင်လက်များမှ လာမယ့်ရက်များမှာ ဈေးတက်မယ်မှန်းပြီး၊လက်ကျန်များကိုင်ထားဆဲဖြစ်ပြီး၊ အချို့ဈေးကွက်ကို ယူလာ တဲ့ နနွင်းများမှာလည်း ၃၀-၃၅ ရာခိုင်နှုန်းခန့်သာ ရောင်းချရတယ်လို့ သိရပါတယ်။ အတ္တရာပရာဒေ့ရှ်မှာ မိုးရွာသွန်းမှု ကောင်းနေတဲ့အတွက် နနွင်းစိုက်ပျိုးမှု နည်းနေတယ်လို့ သိရပါတယ်။ အီရော့နနွင်းကုန်သည်များ အသင်းဈေးဝင်းမှာ နနွင်းလက်ချောင်းတစ်တန် ရူပီး ၃၂၁၆၀-၄၃၀၉၀ (ကန်ဒေါ်လာ ၆၂၅-၈၃၇) ရှိပြီး၊ နနွင်းဥဈေးမှာ ရူပီး ၃၁၀၉၀-၄၂၈၉၀ (ကန်ဒေါ်လာ ၆၀၄-၈၃၃)ဈေးရှိကြောင်း သိရပါတယ်။ယမင်းခင်၊Source: hindubusinessline
Background