ရန်ကုန်ကားဈေးကွက်၏ ဒီဇင်ဘာ တတိယပတ်အတွင်း အခြေအနေမှာ ကားသစ်များ ရာနှင့်ချီ၍ ဝင်ရောက် လာပြီဖြစ်သဖြင့် အရောင်းအေးမည်ဟု ထင်ထားသော်လည်း ရောင်းအားရှိနေ ဆဲဖြစ်ကြောင်း၊ ရောင်းအားနှင့်နွယ်၍ ကားစလစ် (ကားအပ်နှံအထောက် အထားပြပြေစာ)များလည်း ဈေးလိုက် တက်လာကာ အဝယ်လည်းရှိကြောင်း သိရသည်။ကားစလပ်များ ဈေးတက်ရခြင်း မှာမခိုင်လုံသော အခြားကောလာဟလ သတင်းများကြောင့်လည်း အပါအဝင် ဖြစ်ပြီး ၉၅ သိန်းဈေးရှိရာမှ ယခု ၁၂၀ သိန်းဝန်းကျင်ဖြစ်နေကြောင်း၊ ဒီဇင်ဘာ ၁၅ရက် မြန်မာ့ရုပ်သံ သတင်းအရ နောင်လာမည့်(ဏ)အက္ခရာ ယာဉ်အို/ ဟောင်းများ အပ်နှံခွင့်ပြုသွားမည်ဖြစ် ကြောင်းသိရသဖြင့် ကောလာဟလ သတင်းများ မှေးမှိန်သွားပြီး ဈေးပြန် မှန်လာနိုင်ကြောင်း အပေါ်ဝိုင်း ဝါရင့် အကျိုးဆောင်မှ ပြောသည်။ကားသစ်များမရောက်ခင်က မှန်း ဆကြသည်မှာ ပြည်တွင်းသို့ ကားသစ် များရောက်ရှိမှုများပါက ဈေးကျဆင်း ကာ အဝယ်နည်းသွားနိုင်သည် ဖြစ် သော်လည်း ရောက်ရောက်ခြင်း အစ ပိုင်းတွင်သာ အေးသလိုဖြစ်ခဲ့ပြီး ဈေး တန်းသာကျဆင်းကာ ရောင်းအားကျ ဆင်းခြင်းမရှိကြောင်း၊ သို့ဖြစ်ရခြင်းမှာ ကားသစ် (တစ်ပတ်ရစ် ကားသန့်) လို အပ်ချက်များနေသေး၍ လည်းကောင်း၊ နောက်ဆုံးနံပါတ်တပ်ကားသစ် မက် ကြသဖြင့်လည်းကောင်း ဖြစ်နိုင်ကြောင်း ဝါရင့် ယာဉ်ဝယ်ရောင်းတစ်ဦးမှ သုံး သပ်ပြသည်။ မကြာမီကာလအတွင်း ကား အရောင်းစင်တာ(ကားပြခန်း)များဖွင့် လှစ်မည့်သတင်း ပိုမိုကြားလာရပြီး အချို့ကလည်း စလစ်ဝယ်ထားကာ ပြခန်းကား စောင့်ကြသဖြင့် စလစ်များ ဈေးမြှင့်ရသလို ပြခန်းရောက်ကားများ လည်း ယခုလိုပင် ရောင်းအားရှိနိုင် ကြောင်း၊ လတ်တလောကြည့်လျင် တရုတ်နိုင်ငံမှ တင်သွင်းရောက်ရှိလာ သော ချယ်ရီမီနီဆလွန်းစီးရေ ၁၀၀၀ အား စက်မှုဝန်ကြီးဌာန အရောင်းပြ ခန်း (ရန်ကုန်)တွင် ဒီဇင်ဘာ ၉ ရက် မှစတင်၍ အများပြည်သူအား ရောင်း ချရာ ၁၀၀ သိန်းဝန်းကျင် ကျသင့်သ ဖြင့် ဈေးတန်၍လည်းကောင်း၊ နံပါတ် သစ် ကားသစ်မက်၍ လည်းကောင်း ငါးရက်အတွင်း စီးရေ ၃၀၀ ကျော် ရောင်းချရသည်ကိုတွေ့ရသဖြင့် ရောင်း ချအားနှင့် ဝယ်လိုအား မမျှနိုင်သေးဘဲ ဝယ်လိုအား ကောင်းနေဆဲဖြစ်ကြောင်း ၎င်းတို့မှ ပြောသည်။ SN
Background