ပွင့်လင်းရာသီချိန်ဖြစ်လို့ ဆောက် လုပ်ရေးသုံးပစ္စည်းများ အဝယ်လှိုင်ပြီး၊ ဈေးနှုန်းတက်ရိပ်ပြလာကြောင်းမန္တလေး ဆောက်လုပ်ရေးသုံးပစ္စည်းဈေးကွက်မှ သိရပါတယ်။မဒီနာ ဆောက်လုပ်ရေးပစ္စည်း ကုမ္ပဏီမှ ဦးမျိုးချစ်က "ဒီဇင်ဘာမှာ ပွင့်လင်းရာသီမို့ အိမ်အဆောက်အအုံ တွေ ဆောက်လုပ်မှုရှိလာတယ်။ စက်မှု ဇုန်မြေတွေမှာအဆောက်အအုံဆောက် လုပ်လာကြတယ်။ ဟိုတယ်အကျိုးပြု လုပ်ငန်းအတွက်လည်း အဆောက် အအုံတွေ ဆောက်လုပ်လာကြလို့ ဘိလပ်မြေနဲ့ သံလုံးအဝယ်လှိုင်လာ တာ။ မန္တလေးမြို့ပေါ်ဆို ပြီးခဲ့တဲ့လ ကထက် ၂၀ ရာခိုင်နှုန်းလောက် ဝယ် ယူမှုပိုလာတယ်။ နယ်ပေါင်းစုံကလည်း အရောင်းအဝယ်လိုက်နေပြီ"လို့ ပြောပါ တယ်။ရန်ကုန်မှ မန္တလေးသို့ ရေလမ်းဖြင့် ဘိလပ်မြေအိတ်များ ဝင်ရောက်လျက်ရှိ ရာ သင်္ဘောတစ်စင်းကို အိတ်ရေ နှစ် သောင်းကျော် အတင်ရှိရာမှ ယခုအခါ ရေကျချိန်ဖြစ်လို့ အိတ်ရေတစ်သောင်း ငါးထောင်ဝန်းကျင်သာ သယ်ဆောင်ရ ခြင်းကြောင့် ဘိလပ်မြေဈေး အနည်း ငယ် တက်ရိပ်ပြလာပါတယ်။ မန္တလေး ဈေးကွက်မှ မန္တလေးမြို့ပေါ်နဲ့ မြစ်ကြီး နား၊ မိုးညှင်း၊ မိုးကောင်း၊ မုံရွာ၊ စစ်ကိုင်း တိုင်းဒေသကြီးများကို နယ်စုံတင်ပို့မှုရှိ ကြောင်း၊ မြစ်ကြီးနား၊ မိုးကောင်းဈေး ကွက်ကို လိုင်ဇာမှတစ်ဆင့် တရုတ် ဘိလပ်မြေများ ဝင်ရောက်စပြုပြီးဖြစ် ကြောင်း၊ တရုတ်ဘိလပ်မြေထက် ပြည် တွင်းထုတ်နဲ့ ယိုးဒယားထုတ် ဘိလပ် မြေများကို ကြိုက်နှစ်သက်လို့ မှာယူမှု ရှိကြောင်းသိရပါတယ်။ တရုတ်ဘိလပ် မြေ တစ်အိတ်ကို ကျပ် ၇၀၀၀ - ၇၅၀၀ ရှိပြီး၊ မန္တလေးဈေးကွက်မှာ ဗဗဗ တစ် အိတ်ကို ၅၂၇၀ ကျပ်၊ ယိုးဒယားဆင် ကျပ် ၅၈၀၀ ၊ ကျားခေါင်း ကျပ် ၅၁၀၀၊ မြင်းခေါင်း ကျပ် ၄၃၀၀၊ စိန်တံဆိပ် ကျပ် ၅၇၀၀ ၊ မြန်မာဆင် ကျပ် ၄၈၀၀၊ ကျောက်ဆည်ဆင် ကျပ် ၄၃၀၀ ရှိ၍ သံလုံး(ကိုရီးယား)တစ်တန် ဈေးနှုန်း များမှာ ၂၅ မီလီမီတာ၊ ၂၀ မီလီမီတာ၊ ၁၂ မီလီမီတာ၊ ၁၀ မီလီမီတာကို ကျပ် ၆၇၅၀၀၀၊ ၂၂ မီလီမီတာ ကျပ် ၇၂၀၀၀၀၊ ၁၈ မီလီမီတာ၊ ၁၆ မီလီမီ တာကို ၇၀၅၀၀၀ ကျပ်၊ ၈ မီလီမီတာ ၇၈၀၀၀၀ ကျပ်၊ ၆ ဒသမ ၅ မီလီမီတာ ၇၇၅၀၀၀ ကျပ်ဈေးရှိကြောင်း သိရပါ တယ်။ဇူးဇူး
Background