ဘတ်ငွေဈေးမြင့်မားမည်ကို သတိထားစောင့်ကြည့်ရန်လိုဟုဆို

    ၁၄-၁၂-၂၀၁၁ ရက်နေ့တွင် ထိုင်းနိုင်ငံဘဏ်ချုပ်ဥက္ကဌ နိုင်းပရဆန်တိုင်ရတ်ဝရကွန်က ယခုအချိန်တွင် ထိုင်းနိုင်ငံ၏ ရင်းနှီးမြှုပ်နှံမှုငွေကြေး ရွှေ့ပြောင်းခြင်းညီမျှမှုရှိလာပြီဖြစ်ကြောင်း၊ ပြည်ပနိုင်ငံများ၌ ရင်းနှီးမြှုပ်နှံမှုပြုလုပ်သည့် ထိုင်းလုပ်ငန်း ရှင်များထံမှ ငွေထွက်ပေါ်လာခြင်းရှိနေကြောင်း၊ အကြောင်းမှာရေလွှမ်းမိုးမှုကြောင့် ပျက်စီးဆုံးရှုံးမှုများအတွက် လျော် ကြေးငွေပေးရန် ပြည်ပအာမခံကုမ္ပဏီများမှ အမေရိကန်ဒေါ်လာ သန်း ၁၀၀၀ ကျော် ထွက်ပေါ်လာလျက်ရှိကြောင်း ပြောကြားခဲ့သည်။ ယခုအတောအတွင်း ထိုင်းဘတ် ငွေဈေးအတက်/အကျမရှိသော်လည်း ယခုနှစ်ကုန်ပိုင်းတွင် ထိုင်း ဘတ်ငွေဈေး မြင့်တက်လာလိမ့်မည်ဟု ခန့်မှန်းလျက်ရှိပါသည်။ ရင်းနှီးမြှုပ်နှံသူလုပ်ငန်းရှင်များသည် စွန့်စားမှုကို လျှော့ချရန်အတွက် ဈေးကွက်အသစ်၌ ရှယ်ယာများရောင်းချခြင်း (သို့မဟုတ်) ဥရောပနိုင်ငံများ၌ ရင်းနှီးမြှုပ်နှံအား လျှော့ချပြီး အမေရိကန်ဒေါ်လာ ငွေဈေးကွက်တွင် ပိုမိုရင်းနှီးမြှုပ်နှံခြင်းများ ပြုလုပ်လိမ့်မည်ဟု သိရသည်။Source: ထိုင်းရတ်သတင်းစာ၊ လွင်မျိုးဇော်