မန္တလေးမြို့အရှေ့ဘက်၊ ပုသိမ်ကြီးမြို့နယ်မြေကွက်များမှာ အမြင့်ဈေးဖြင့် အရောင်းအဝယ်ဖြစ်လျက်ရှိကြောင်း သိရပါတယ်။ မြေအကျိုးဆောင် ကိုလင်းက "ပုသိမ်ကြီးဘက်ကမြေကွက်တွေရော၊ ရန်ကင်းတောင်ဘက်က မြေကွက် တွေရော ဈေးတက်တယ်။ ကျပ်သိန်း ၁၀၀ အောက်ရှိတဲ့မြေကွက်တွေက ခုကျပ်သိန်း ၁၀၀ နဲ့ဝယ်လို့ မရတော့ဘူး။ ရန်ကင်းသာယာရပ်၊ အောင်မင်္ဂလာရပ်၊ ဂွေ့ကြီးကုန်းရွာ၊ ဘူးကုန်းရွာနဲ့ နည်းပညာတက္ကသိုလ် သွားလမ်းနားက ရွာနေအိမ်ကွက်တွေပါ အရောင်းအဝယ်ဖြစ်လာတယ်။ ရွာနေအိမ်အကွက်တွေဆိုပေမဲ့ မန္တလေးမြို့နဲ့ သိပ်ပြီး မဝေးတော့ ဝယ်ယူနေကြတယ်။ ရွာကအကွက်တွေဆို ဘာစာရွက်စာတမ်းမှမပါဘဲ ဝယ်ယူနေကြတယ်။ မြို့သစ် ဘက်ဈေးကွက်ငြိမ်နေတဲ့အချိန်မှာ ပုသိမ်ကြီးဘက်မှာ အရောင်းအဝယ်ဖြစ်နေတာ"လို့ ပြောပါတယ်။ ပုသိမ်ကြီးမြို့နယ်ရှိ အကွက်များမှာ မန္တလေးမြို့ အရှေ့ဘက်တွင်ရှိပြီး၊ မန္တလေး-ပုသိမ်ကြီးလမ်း (၁၉ လမ်း) တစ်လမ်းသာ ဗဟိုပြုသွားလာရခြင်းကြောင့် ယခင်ကလူကြိုက်နည်းလို့ လူနေထိုင်ခြင်းထက် စိုက်ပျိုးရေးအတွက်သာ ဝယ်ယူမှုရှိ တာ တွေ့ရပါတယ်။ ယခုအခါ မန္တလေးမြို့တွင်းနဲ့ မြို့သစ်အကွက်များမှာ ဈေးနှုန်း အဆမတန်မြင့်တက်နေရာ ပုသိမ်ကြီးမြေကွက်များအားလှည့်၍ ဝယ်ယူနေခြင်းဖြစ် ကြောင်း သိရပါတယ်။ပုသိမ်ကြီးမြေကွက်ဈေးနှုန်းများမှာ ရန်ကင်းသာယာရပ် ပေ ၄၀× ပေ ၆၀ တစ်ကွက်ကို လမ်းမမေးတင်ကွက် ကျပ်သိန်း ၅၅၀ ရှိပြီး၊ ပေ ၂၀×ပေ ၆၀ အိမ်ပါ ပါက ကျပ်သိန်း ၃၅၀ ဈေးပေါက်ကြောင်း သိရပါတယ်။ မြို့ဦးလမ်း ၁ လမ်း၊ ၂ လမ်း မေးတင်အကွက်များမှာ ၂၅ ပေ×ပေ ၇၀ မြေကွက် ကျပ်သိန်း ၆၅၀ ခေါ် ဈေးရှိပြီး အောင်မင်္ဂလာရပ်တွင် တစ်ကွက်ကို ကျပ်သိန်း ၂၅၀၊ ၃၀၀ ဖြင့် အရောင်း အဝယ်ရှိကြောင်းသိရပါတယ်။ ဂွေ့ကြီးကုန်းရွာတွင် ရွာမြေတစ်ကွက်ကို မြေအပိုင်း အလိုက် ကျပ်သိန်း ၂၀၊ ၂၅ သိန်းဈေးပေါက်၍ ရန်ကင်း တောင်ခြေ နည်းပညာ တက္ကသိုလ်သွားလမ်း မေးတင်ရှိသပြေခြံများမှာ တစ်ဧက ကျပ်သိန်း ၂၅၀ နဲ့ ၃၀၀ ကြား အရောင်းအဝယ်ဖြစ်ကြောင်း သိရပါတယ်။ ဇူးဇူး
Background