မုံရွာကုန်စည်ဒိုင်ကို ဇန်နဝါရီလ ဒုတိယပတ် ပဲတီစိမ်းဈေးကွက်အနေနဲ့ နယ်စုံကပစ္စည်းအဝင် ပုံမှန်ရှိခဲ့ပြီး၊ စိမ်းကြီးထက် စိမ်းသေးက ပိုမိုဝင်ရောက်ခဲ့တာ တွေ့ရပါတယ်။ ဝယ်လက်အားဖြင့် စိမ်းကြီးကို မန္တလေးနဲ့ ရန်ကုန် အဆွဲရှိပြီး၊ စိမ်းသေးကိုတော့ ရန်ကုန်ဘက်က ပိုဆွဲတယ်လို့ ကုန်သည်တွေက ပြောပါတယ်။ ဈေးကွက်မှာတော့ပစ္စည်းအရည်အသွေးပေါ်မူတည်ပြီး၊ ဈေး အလျှော့အတင်းရှိခဲ့ကာ မုံရွာကုန်စည်ဒိုင်ရဲ့ ဒီတစ်ပတ်အတွင်း တစ်တင်း အမြင့်ဆုံးပေါက်ဈေးတွေကတော့ စိမ်းကြီး ၁၇၀၀၀ ကျပ်နဲ့ စိမ်းသေး ၁၅၂၀၀ ကျပ်ဖြစ်ပေါ်ခဲ့တာတွေ့ရပါတယ်။ အရောင်းအဝယ်အားဖြင့် ယခုတစ်ပတ်အတွင်း တစ်ရက် အိတ် ၂၀၀၀ ဝန်းကျင် အရောင်းအဝယ်ဖြစ်ခဲ့တယ်လို့ ကုန်သည်တွေက ဆိုပါတယ်။ ထွန်းလှိုင်
Background