မန္တလေးစက်မှုဇုန်မှာ စက်မှု လုပ်ငန်းများလုပ်ကိုင်လျက်ရှိတဲ့ အသေး စား စက်မှုလုပ်ငန်းရှင်များနဲ့ ကော်မတီ ဖွဲ့စည်းမယ်လို့ သိရပါတယ်။ စိန်ပန်း စက်မှုကုန်ထုတ် သမဝါ ယမအသင်း (လီမိတက်) ဥက္ကဌ ဦးကျော်ဝင်းက " စိန်ပန်းသမဝါယမ အသင်းအောက်မှာ အသေးစားစက်မှု လုပ်ငန်းရှင်တွေအတွက် ကော်မတီ ဖွဲ့စည်းမယ်။ အသေးစားစက်မှု လုပ်ငန်း ရှင်တွေ ဒီနှစ်ပိုင်းမှာ လုပ်ငန်းတော် တော်များများ ရပ်သလောက်ရှိတဲ့ အတွက် ကော်မတီဖွဲ့စည်းပြီး၊ အရင်း အနှီးရဖို့ ချေးငွေထုတ်ချေးနိုင်အောင် စီစဉ်သွားမယ်။ စက်တွေက နိုင်ငံခြား စံချိန်မီအောင် ထုတ်ဖို့အရင်းအနှီး လိုအပ်တယ်။ ဘဏ်ချေးငွေနဲ့ ချေးပေး ရမှာဖြစ်တဲ့အတွက် ကော်မတီဖွဲ့ပြီးမှ စုပေါင်းချေးပေးလို့ရမယ်။ နောက်ပိုင်း မှာ အသေးစားလုပ်ငန်းတွေ ရေရှည် ရပ်တည်နိုင်အောင်၊နည်းပညာရအောင် ဆောင်ရွက်သွားမယ်"လို့ ပြောပါတယ်။ စိန်ပန်း စက်မှု ကုန်ထုတ် သမ ဝါယမအသင်း(လီမိတက်)ကို ၁၉၈၃ ခုနှစ် ဇွန်လမှာ အသင်းဝင်အလုပ်ရုံ ၅၀ နဲ့ စတင်ဖွဲ့စည်းခဲ့ပြီး၊ ယခုအခါ အသင်း သားအလုပ်ရုံ ၃၁၉ ရုံထိ တိုးလာခဲ့ပါ တယ်။ စိန်ပန်းစက်မှုကုန်ထုတ် သမမှ မန္တလေးစက်မှုဇုန် (၂) G.E.C သကြား စက်ရုံ (၁)ရုံ၊ ထင်းအစားထိုးလောင်စာ တောင့်စက်များ၊ မန္တလေးမြောက်ပြင်ရှိ ရွှေပြားဆပ်ပြာစက်ရုံ၊ မကွေးဆပ်ပြာ စက်ရုံ၊ ရမည်းသင်း ဆပ်ပြာစက်ရုံ၊ နေပြည်တော် ပန်းတင်အုတ်စက်ရုံနဲ့ အမှိုက်သိမ်း (Container အလုံး ၅၀) ထိ ထုတ်လုပ် တည်ဆောက်ပေးခဲ့ ကြောင်း သိရပါတယ်။ အသင်းမှ တစ်ဦးကို အနည်းဆုံး ၅သိန်းမှ အများ ဆုံးကျပ်သိန်း ၂၀ နဲ့ အသင်းဝင် ၁၀၄ ဦး ကို ချေးငွေပေါင်း ၁၃၀၀ သိန်းကျော် ထုတ်ချေးပေးခဲ့ကြောင်း သိရပါတယ်။ အသေးစား လုပ်ငန်း ကော်မတီ ဖွဲ့စည်းပြီးပါက ချေးငွေထုတ်ပေးနိုင်ရန် စီစဉ်သွားမှာဖြစ်လို့ အသေးစား စက်မှု လုပ်ငန်းရှင်များမှ စိန်ပန်းစက်မှု ကုန် ထုတ်သမဝါယမအသင်းကို ဆက်သွယ် နိုင်ကြောင်း သိရပါတယ်။ ဇူးဇူး
Background