ဒီတစ်ပတ် ဘိလပ်မြေမျိုးစုံဝင်ပြည်တွင်းကို ပင်လယ်ရေကြောင်း ကုန်သွယ်မှုလမ်းမှ ဖေဖော်ဝါရီ ၁၉ ရက်မှ ၂၅ ရက်တာကာလအတွင်း ဘိလပ်မြေတန်ချိန် ၅၄၆၇၈ ဒသမ ၉၅ တန်၊ တန်ဖိုး အားဖြင့် ကန်ဒေါ်လာ လေးဆယ့်လေးသိန်းကျော်ဖိုးကို တင်သွင်းခဲ့ပါတယ်။ ဒီတစ် ပတ် ထိုင်းနိုင်ငံမှ ဆင်တံဆိပ်ဘိလပ်မြေ တန်ချိန် ၂၉၇၁၅ ဒသမ ၉၅ တန်၊ စိန် တံဆိပ်ဘိလပ်မြေ တန်ချိန် ၁၇၃၀၀၊ မောင်းတိန်းတံဆိပ် ဘိလပ်မြေတန်ချိန် ၇၆၀၀ နဲ့ အခြားဘိလပ်မြေမျိုးစုံ ၆၃ တန် အသီးသီးမှာယူတင်သွင်းခဲ့ပါတယ်။၊ ဒီတစ်ပတ် တင်သွင်းမှုထဲမှာ ဆင်တံဆိပ်ဘိလပ်မြေက တန်ချိန်အများဆုံးဖြစ်ပါ တယ်။ ယခင် သီတင်းပတ် ဘိလပ်မြေတင်သွင်းမှုက တန်ချိန် ခုနှစ်သောင်းရှစ် ထောင်ကျော်ရှိခဲ့ တာကြောင့် ဒီတစ်ပတ်ဘိလပ်မြေတင်သွင်းမှုနဲ့ယှဉ်ရင် တန်ချိန် နှစ်သောင်းလေး ထောင်ကျော်လောက် လျော့နည်းပြီး တင်သွင်းခဲ့တာတွေ့ရပါတယ်။MIRT (DOT)နယ်စပ်မှ ဘိလပ်မြေ တန် ၂၀၀၀ ကျော် အသွင်းရှိဖေဖော်ဝါရီ ၂၂ ရက်မှ ၂၈ ရက်ထိ ကာလအတွင်းမှ ကန်ဒေါ်လာ သုည ဒသမ ၁၂၈ သန်း တန်ဖိုးရှိ ဘိလပ်မြေ ၂၀၇၃ တန် နယ်စပ်စခန်းများမှ အသွင်းရှိ ခဲ့ပါတယ်။ စခန်းအလိုက် တင်သွင်းမှုတွေကတော့ မြိတ်မှ ၁၁၁၇ တန်ကျော်၊ တာချီလိတ်မှ ၉၀၈ တန်ကျော်နဲ့ ချင်းရွှေဟော်မှ ၄၇ တန် ဖြစ်ပါတယ်။ ယခင် အပတ်က တင်သွင်းမှုထက် ၁၆၅၆ တန် လျော့နည်းတင်သွင်းခဲ့ပါတယ်။ MIRT (DOBT) ဈေးကွက်အတွင်း ပြောင်းလဲမှုမရှိတဲ့ ဘိလပ်မြေမော်လမြိုင်ဈေးကွက်မှာ ဘိလပ်မြေက ပုံမှန်အရောင်းရှိတယ်လို့ ဘိလပ်မြေ အရောင်းဆိုင်မှ တာဝန်ရှိသူတစ်ဦးကဆိုပါတယ်။ ပုံမှန်အရောင်းရှိသလို ဈေးက လည်း အတက်အကျသိပ်မရှိဘဲ ဈေးငြိမ်နေတယ်လို့ သိရပါတယ်။ မော်လမြိုင် ဘက်မှာ ဆင်(ထိုင်း) နဲ့ ကြံ့(မြိုင်ကလေး)ကို အသုံးများလို့ ဈေးကွက်ထဲမှာ ဒီနှစ် မျိုးပဲ အရောင်းရှိတယ်လို့ ဆိုပါတယ်။ ဒီတစ်ပတ်မှာ ဆင်(ထိုင်း) ၄၈၀၀ ကျပ်နဲ့ ကြံ့ (မြိုင်ကလေး) က ၄၂၀၀ ကျပ် ဈေးရှိတယ်လို့ သိရပါတယ်။တောင်ကြီးဈေးကွက်မှာ ဘိလပ်မြေက အရောင်းသွက်တယ်လို့ သိရ ပါတယ်။ အရောင်းသွက်ပေမဲ့လည်း ဈေးကတော့ အရင်တစ်ပတ် ဈေးအတိုင်းပဲ ရှိတယ်လို့ သိရပါတယ်။ မြို့တော်နဲ့ နဂါးကတော့ ဈေးမပြောင်းဘဲ ရှိနေပါတယ်။ ဒီတစ်ပတ်ဈေးကွက်အတွင်းဖြစ်နေတဲ့ ဈေးက စိန်(ယိုးဒယား) က ၇၄၀၀ ကျပ်၊ ခြင်္သေ့ ၅၀၀၀ ကျပ်၊ မြို့တော်က ၄၅၀၀ ကျပ်နဲ့ နဂါးက ၅၄၀၀ ကျပ်ဈေးအသီးသီး ရှိတယ်လို့ သိရပါတယ်။ရန်ကုန်ဘုရင့်နောင်ဈေးကွက်မှာ ဘိလပ်မြေက ရောင်းအား ကောင်း တယ်လို့ သိရပါတယ်။ တည်ဆောက်ရေးလုပ်ငန်း၊ ပြုပြင်ရေးလုပ်ငန်းနဲ့ ဆောက် လုပ်ရေးလုပ်ငန်းများကြောင့် အရောင်းသွက်လာတယ်လို့ ပြောပါ တယ်။ အရောင်း သွက်ပေမဲ့ ဈေးကတော့ပုံမှန်ဈေးနဲ့ပဲ ရောင်းနေရတယ်လို့ အရောင်းဆိုင်မှ ဝန်ထမ်း တစ်ဦးကဆိုပါတယ်။ ဆင်တံဆိပ်(ယိုးဒယား)က ၄၉၀၀ ကျပ်၊ စိန်(ယိုးဒယား) ဘိလပ်မြေက ၄၈၀၀ ကျပ်၊ ကျောက်ဆူးနဲ့ Blue Lion က ၄၅၀၀ ကျပ်ဈေးနဲ့ အရောင်းအဝယ်ဖြစ်တယ်လို့ သိရပါတယ်။ ဆိုင်ဝယ်ဈေးဆိုရင် ၅၀ ကျပ်လျော့ပြီး အရောက်ပို့ဆိုရင် ၅၀ ကျပ်ဈေးပိုတယ်လို့ သိရပါတယ်။မန္တလေးဈေးကွက်မှာ ဘိလပ်မြေက အရောင်းအဝယ်ကောင်းပြီး ဈေးက တော့ ပုံမှန်လေးပဲရှိနေတယ်လို့ ဘိလပ်မြေအရောင်းဆိုင်မှ ဝန်ထမ်းတစ်ဦးက ဆိုပါ တယ်။ ပစ္စည်းကအဝင်များပြီး အသုံးလည်းများတယ်လို့ အဆိုပါ တာဝန်ရှိသူက ပြောပါတယ်။ အေသုံးလုံးက ၅၃၀၀ ကျပ်၊ မြန်မာ ဆင်က ၅၁၀၀ ကျပ်၊ ဆင် (ယိုးဒယား)က ၆၀၀၀ ကျပ်၊ စိန်(ယိုးဒယား)က ၅၉၀၀ ကျပ်၊ ဆင်မင်း(ကျောက် ဆည်) ၄၇၀၀ ကျပ်၊ ကျားခေါင်း ၅၂၀၀ ကျပ်နဲ့ မြင်းခေါင်း ၄၅၀၀ ကျပ်ဈေးရှိပြီး ကျောက်ဆူး(ယိုးဒယား)ကတော့ ပစ္စည်းပြတ်နေတယ်လို့ စုံစမ်းသိရှိရပါတယ်။MIRT (DOBT)
Background