ပြည်တွင်းကိုဂျပန်နိုင်ငံထုတ်မော်ဒယ်လ်မြင့်ကားများ ဆက်တိုက်တင်သွင်းလျက် ရှိရာ တင်သွင်းပြီးကားများမှာ မော်ဒယ်လ်နိမ့်ပြီး ဈေးနှုန်းကျဆင်းလာခြင်းကြောင့် ကားတင်သွင်းရာတွင် ချိန်ဆပြီး၊ တင်သွင်းနေရကြောင်း Ever Top Trading Co.,Ltd မှ မန္တလေးမြို့မှာဝန်ဆောင်မှုပေးနေတဲ့ ကိုကျော်ကျော်မြင့်က ပြောပါတယ်။"တင်သွင်းလာတဲ့ ဂျပန်ကားဈေးကွက်က အရင်က ဈေးငြိမ်နေတယ်။ စပြီးသွင်း လာတုန်းက တွက်ခြေကိုက်တယ်။ သင်္ဘောသားပါမစ်ရှိတဲ့သူတွေကို ကားတင်သွင်း ခွင့်ပြုလိုက်ပြီးတဲ့နောက်မှာ မော်ဒယ်လ် 2007 ခုနှစ်အထက် ကားတွေဝင်လာတော့ မော်ဒယ်လ်နိမ့်တဲ့ကားက ဈေးနှုန်းတဖြည်းဖြည်းကျဆင်းလာတယ်။ ယာဉ်အိုယာဉ် ဟောင်းအပ်နှံပြီး ဝယ်ယူရမယ့်ပါမစ်က မော်ဒယ်လ် 2006 ခုနှစ်က အမြင့်ဆုံးပဲ။ ဒါကြောင့် ဝယ်ယူတဲ့ Customer ကလည်း မော်ဒယ်လ်မြင့်တဲ့ နောက်ပဲလိုက်ကြ တော့ကားဈေးကျလာတာ။ စသွင်းလာစက သိန်း ၄၀၀ တန်တဲ့ကားက ခုဆို သိန်း ၇၀ လောက် ကျဆင်းပြီး၊ ကျပ်သိန်း ၃၀၀ ကျော်နဲ့ဝယ်ယူနိုင်တယ်။ အခု နှစ်ပတ် အတွင်းမှာကို ကျပ်သိန်း ၃၀ လောက်ဈေးကျလာတယ်။ ဒါကြောင့်ကားသွင်းဖို့ကို စဉ်းစားပြီးမှသွင်းနေရတယ်။ အသစ်အသစ်တွေ ဝင်နေတော့ များများမသွင်းရဲဘူး။ ဝယ်ယူလိုအားနဲ့ချိန်ပြီးမှ သွင်းရမယ့်အနေအထားဖြစ်တယ်"လို့ ကိုကျော်ကျော် မြင့်က ဆက်လက်ပြောပါတယ်။အပေါ်ကားများမှာ အသစ်အသစ်ဝင်လာနေပြီး၊ ကားဈေးနှုန်းဆက်လက်ကျ ဆင်းနိုင်ကြောင်း၊ ကားလာကြည့်သူများမှာ ကျပ်သိန်း ၃၀၀ -၄၀၀ ကြားရှိကားများ သာ စိတ်ဝင်စားမှုများကြောင်း၊ ယခုအနေအထားမှာ စောင့်ကြည့်အနေအထားနဲ့ အရောင်းအဝယ်နှေးလာကြောင်း၊ ပရာဒို၊ ဟာရီရာ၊ စူပါကတ်စတန်ကားများ ကြိုက် နှစ်သက်မှုများကြောင်း ကားဝန်ဆောင်မှုလုပ်ငန်းများမှ သိရပါတယ်။ ဇူးဇူး
Background